Masalimo 140:9 - Mawu a Mulluku

⁹ Adanaaka ookaapheella ehikigonjihe, mawiiwa ootembelela yaarukunuwelle.

Masalimo 140:9 ပူးပေါင်းရင်းမြစ်များ

Masalimo 7:16

Sika ddoonanara ddiwa ddinnaarukunuwella, ekukwiiwa ennaahokollweella aneeniiwa.

Miyambo 18:7

Muwano mwa muthu ookarangeya munnamoononga, eyanwaaye ennakhalla musampha wa okumaaye.

Miyambo 12:13

Athu oonanara ennakoliwa ni mawu avayanoni viwa koma oolungama ennakhuma mu ddookatamiha.

Miyambo 10:11

Eyano ya muthu oolungama tti neetuutu a okumi koma muwano mwa oonanara munnavittha ekhoto.

Miyambo 10:6

Madaliso eri vamuru va muthu oolungama koma muwano mwa muthu oonanara mookona ekhoto.

Masalimo 94:23

Aneerewaahokollosella ddoonanara ddiwa, aneerowoononga ekaamba ya machimwiiwa. Ddawoona, Apwiya Mullukwaahu, eneerewaatthollosa.

Masalimo 64:8

Aneerowoononga ekaamba ya ddoollota ddiwa, attheene oowoona eneerotikha muru.

Estere 7:10

Sika athwaayo yaamumakellella Hamani vamuteekhoni wawiimakellellavo oyo apotokosihalleeye wi amumakellellevo Mordekai. Vatulli viwa murima wa mwene waakeraattheya.

Mateyu 27:25

Athu attheenaalle yahaakhulla wi, “Mullatu wa okhwa wa muthu yoolla okhalle va hiyaano ni edduullu ddahu.”

Estere 5:14

Vano mwaariye Zereshi ni akhwaaye attheene yaamulleella wi, “Mupotokose muteekho wawiimakellellavo woorekama mamita 23. Ohinase mumulleelle mwene wi amumakellelle vamuteekhonimvo Mordekai. Sika muyeewo moohakallalla omachellelloni ni mwene.” Malangizwaalla yaamuddivella Hamani, sika aapotokosiha muteekho wawiimakellellavooyo.

Deuteronomo 32:27

Koma nginapaalla wi adaniiwa yiitukhulleke, eganizeke moolakwa ni okittheya. Ehooneke wonanko yaagonjihalle ni masiviiwa, wi Apwiya kheyeerille ddenndda.’ ”