Masalimo 14:1 - Mawu a Mulluku

¹ Muthu ookarangeya m'murimani mwaye anallota wi, “Mulluku khaawo.” Athu yaalla tti oonanara, enneera ddoottakhalla, khaavo aneera ddaphaama.

Masalimo 14:1 ပူးပေါင်းရင်းမြစ်များ

Masalimo 10:4

Ekaamba ya wiitukhulla waye, muthu oonanara khanapwatha dda Mulluku, m'murimani mwaye anaganiza wi Mulluku khaawo.

Masalimo 53:1

Muthu ookarangeya m'murimani mwaye anallota wi, “Mulluku khaawo.” Athu yaalla tti oonanara, enneera ddoottakhalla, khaavo aneera ddaphaama.

Masalimo 92:6

Muthu oohikhalla ni ezeru khanadduwella, muthu ookarangeya khaniiwesesa ddenndda.

Genesis 6:5

Apwiya vawoonani wi athu a va ellapo yavatthi aananara mwawoopiha navettho wi mirima ddiwa tti ddooddalla ni maganizo oonanara,

Mateyu 12:34

Nyu enowa! Munaawore mwawiidde ollota ddaphaama muri oonanara? Vawi eyano enallota nnddo ddiddanlle m'murimani.

Luka 12:20

Nave Mulluku aallota wa olliyooyo wi, ‘Muthu ookarangeya we! Mahiiyu vaava okumaawo oneeromalla, ttaani anaavahiwe ddeko ddittheddene odduukellenlleewe weekha?’ ”

Mateyu 15:19

Vawi m'murimani munnavenyera maganizo oonanara, wiipha, oraruwa, wiiya, omboni wawoottha ni oweerella amodda epewe.

Miyambo 1:7

Owoova Apwiya tti waamba wa ezeru. Ookarangeyave sika enavevulla ezeru ni malangizo.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

Aefeso 2:12

Va enthawi yeeyo khamwaarina Khrisitu. Mwaari alleto nave khamwaari mmodda a athu ootthoolliwa a Mulluku. Nyuwaano khamwaapwesereriwemo mu echipangano eyo yaalonjeziwe ni Mulluku wa athwaaye. Nave mwaakhalla mu ellapo yavattheella muhinna otiyera navettho muhinna Mulluku.

Miyambo 27:22

Naari mumutthitte ni mwitthi mwiirawini muthu ookarangeya vamodda ni eddoro, okarangeya waye khotthitteya.

Miyambo 1:22

“Nyu eenamwani, munaakhalleke eenamwani ophiyera niini? Nyu oovevulla munaavevulleke ezeru ophiyera niini? Nyu ookarangeya, munaayiiteke ezeru ophiyera niini?

Yobu 22:13

Koma munallota wi, ‘Mulluku anadduwella tini? Ethiyo ttuuweeruza oweella mu epiphi yoottikana?

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Tito 1:16

Ennaakhullella wi ennamudduwella Mulluku nave ni mitteko ddiwa ennamukhoota vawi tti oonanara, oohiiwellella ni oohiphwanella weera erive ello yaphaama.

Yesaya 1:4

We ootulli, mutundu wa athu oochimwa, athu oollemelliwa ni ddoonanara. Muyariwe ovenyera wa athu aweera ddoonanara, anamwani ookeraattheya mu ddoonanara. Mohaahiya Apwiya, moomuvevulla Aweella a Israele, moomureya etulli.

Masalimo 107:17

Amodda yaavoriiwa ekaamba ya ettilla ddiwa ddoonanara, ehoosiwa ekaamba ya machimwiiwa.

Yobu 15:16

Vawiidde muthu oonanara ni oochimwa, oowirya ddoonanara wonanko maaddi.

1 Samuele 25:25

Apwiya muhinapwatha nnddo enre mamunaka, muthu oonanara murimoolle. Olliye anaphwanaphwana ni nnddina naye. Vawi nnddina naye ninattaphullella ookarangeya, ddaweera ddaye ddittheddene tti ddookarangeya. Koma miyaano kaporwaanyu ngaawoonille athwaanyu ayo mwaarumalleenyu.

Miyambo 13:19

Ello yoopaalleya yakwakhwanihiwa ennahakallalliha koma ohiya ddoonanara khonaaddivella ookarangeya.

Masalimo 73:3

kaakhallelleemi ehache athu awiitukhulla kawoonilleemi athu oonanara eri ni eyuuma yinchichi.

Oollalleya 7:20

Ddawoona va ellapo yavatthi khaavo muthu aneera ddoolungama woohichimwa naari vang'ono.

Yeremiya 5:12

Athu yohaakhoota Apwiya voollotani wi, “Apwiya kheneerella erive ello. Kheyiivo yoonanara enaanooneyelle, khaniwa noona ekhoto apaalle ettalla.”

Yeremiya 6:28

Attheene tti eetiyamaaru oowukila, anawunawu, awumma wonanko mukuwa ni mukoko ni aweera ddoonanara.