Masalimo 136:16 - Mawu a Mulluku

¹⁶ Yahaahoollella athwiiwa mu echipululu, echikondiiwa yoohisintheya tti ya enthawi yoohimalla.

Masalimo 136:16 ပူးပေါင်းရင်းမြစ်များ

Deuteronomo 8:15

Alliwa yahuuhoollellani ophiyera mwaakhwaranya echipululu yuullupalli ni yawoopiheelle, mulle mwaari enowa dda nttipwi ni analikalizi. Nave yahuuvahani maaddi ookhuma munllukuni mu ellapo yawumma yoohikhalla ni maaddi.

Eksodo 15:22

Vano Mose ahaahoollella Aisraele ovenyera o Enyanja Yoofiira wulle eya yavollowa mu echipululu ya Shuri. Yaheeta mwemmo mallapo mararu, oohiphwanya maaddi.

Eksodo 13:18

Munipuroni mwiwa Apwiya yaaweeriha wi eyeelle ettilla yoorekama ya mu echipululu yooya o Enyanja Yoofiira. Mutthemwenemmo Aisraele yaari ekhozekenlle dda ekhoto.

Masalimo 77:20

Mwahaahoollella athwaanyu wonanko enkhosa oweella mwa Mose ni Aroni.

Deuteronomo 8:2

Upuwellani mmo Apwiya Mullukwaanyu yuuhoollelliiwani muchipululuni va olendo wa miyakha ddittheddene 40 ddivirallenndda. Yahuukhumullani ni oweesani wi edduwelle nnddo ddaari m'murimani mwanyu nave wi yoone khaya muneerewiiwellella malamulwiiwa apaalle iyaayi.

Yesaya 49:10

khevolliwa ettalla apaalle nthona. Ephevo yooviha apaalle nndduwa khaddiwoosa kaambiiwa oyo anaweerella echifundo aneerewaahoollella ni waavelleella o aneetuutu.

Nehemiya 9:19

ekaamba ya echifundwaanyu yuullupalli khemwaahiyalle muchipululuni. Murapo oyo waahoollella otthaana ni munllo waahoollella mahiiyu, khewaavenyillevo.

Nehemiya 9:12

Otthaana, mwaanaahoollella ni murapo, mahiiyu mwaanaahoollella ni munllo.

Deuteronomo 11:5

Mwahoonattho ddittheddene nnddo Apwiya yaweerelliiwani muchipululuni mulle muhinaphiye wuno.