Masalimo 136:10 - Mawu a Mulluku

¹⁰ Yaawiipha anamwani awaamba a Aiguputo, echikondiiwa yoohisintheya tti ya enthawi yoohimalla.

Masalimo 136:10 ပူးပေါင်းရင်းမြစ်များ

Masalimo 78:51

Aawiipha anamwani awaamba attheene a Aiguputo, anamwani awaamba a masiviiwa, m'misasani dda edduullu dda Hamu.

Eksodo 12:29

Variyari va mahiiyu, Apwiya yaawiipha anamwani attheene aallopwana awaamba mu ellapo ya Iguputo. Yamwaambille mwaana aamullopwana awaamba a Farao oyo aphwanella ovollowa omwenaaye, ophiyera mwaana aamullopwana a mukaidi a mu enyumba dda mwiipiphini dda mu endende. Mwaana aamullopwana awaamba a eziweto ahiiphiwattho.

Masalimo 135:8

Tti alliwa yawiiphalle anamwani awaamba a o Iguputo, a athu ni a enama ddene.

Masalimo 105:36

Alliwa yaawiipha anamwani attheene aallopwana awaamba mu ellapwiiwa, anamwani awaamba esombwiiwa.

Eksodo 12:12

“Mahiiyu yaayo miyaano kineerovira mwiillaponi ya Iguputo nave variyari va Aiguputwaayo kineerowiipha anamwani aallopwana awaamba a athu ni a eziweto. Kineerollaka milluku ddittheddene dda Iguputo vawi mi tti Apwiya.

Aheberi 11:28

Ekaamba ya echikhulupililo, Mose akeraatthihalle Ehakallallo ya Paska, aalamula wi emidde nikhame na enama machiwiiwa wi angelo ayo enaawiipheke anamwani awaamba ehiwiiphe anamwani awaamba Aisraele.

Mitteko 7:7

Koma kineerewaallaka athu enaarumeyellekeewaayo, vano edduullu ddawonnddo ddineerokhumawo o ellapweeyo wi ddikillapelle miyaano weewuno.