Masalimo 135:9 - Mawu a Mulluku

⁹ Tti alliwa yamoonihelle Farao ni oorumeyellaaye attheene ezizindikiro ddamasiva ni ddoottikhiniha mu Iguputo.

Masalimo 135:9 ပူးပေါင်းရင်းမြစ်များ

Masalimo 136:15

Koma ahaamiryiha Farao ni akhotwaaye mu Enyanja Yoofiira, echikondiiwa yoohisintheya tti ya enthawi yoohimalla.

Deuteronomo 6:22

Hiyaano nahoona ni miitthwaahu Apwiya yeeraka ddoottikhiniha ni millilli vawaallakani Aiguputo, mweniiwa vamodda ni a owaniwa.

Mitteko 7:36

Ahaahoollella athu okhuma mu Iguputo vaweerani ezizindikiro ni ddoottikhiniha mu Iguputo navettho va Enyanja Yoofiira nave muchipululuni wa miyakha 40.

Nehemiya 9:10

Mwaheera ezizindikiro ni ddoottikhiniha ddoomuvaanyihana Farao, allupa muttekwaaye ni athu attheene a mwiillaponi mwaye vawi mwaadduwella mmo aahooselleeye makhollwaahu. Sika ekaambiiwa epillaanyu evuwalliiwa ophiyera ollello.

Deuteronomo 4:34

Ethiyo tti mulluku oovi oyo iikusenlle yeekha athu waatthaamiha variyari va mutundu mmodda ni waatthattusa aayeaaye wonanko mmo Apwiya Mullukwaanyu eweerelliiwani o Iguputo wulle? Alliwa yaheera ddennddo ni masiviiwa muullupalli nyuwaano moonaka ni miitthwaanyu. Alliwa yaamoriha ddoohoosa, millilli, ddoottikhiniha, ekhoto ni ddawoopiha.

Masalimo 78:12

Mulluku aheera ddoottikhiniha ddaye makhollwiiwa yoonaka, mu ellapo ya Iguputo, o echigawo ya Zowani.