Masalimo 135:7 - Mawu a Mulluku

⁷ Tti alliwa enakhumiha mirapo wookomella ellapo yavatthi, enasherimiha ettari wi eweena murimu, enoopiha ephevo ovenyera mu moosungellamo mwiwa.

Masalimo 135:7 ပူးပေါင်းရင်းမြစ်များ

Yeremiya 10:13

Alliwa yallota onniiweya onyakulla wa maaddi ooddullu, ennawiiha mirapo ovenyera okomenlle ellapo yavatthi. Ennasherimiha ettari dda murimu, ennoopiha ephevo ovenyera nko enayisungiiwa.

Zekariya 10:1

Avekeni Apwiya wi yuuvaheni murimu mu enthawi yawaalla vawi alliwa sika enapanga mirapo. Alliwa sika enamurupiha murimu ni omumellihella mmiddo m'matani arive muthu.

Yeremiya 51:16

Apwiya yallota, onniiweya onyakulla wa maaddi ooddullu, ennawiiha mirapo ovenyera okomenlle ellapo yavatthi. Ennasherimiha ettari dda murimu, ennoopiha ephevo ovenyera nko enayisungiiwa.

Yohane 3:8

Ephevo enoopella nko enapaalliiwa nave onniwa moopellwiiwa koma khonadduwella nko enavenyeriiwa naari nko enayiiwawo. Emoddamoddave yeeyo enaphwanaphwana ni arive muthu oyo anayariwa wiilli mwa Munepa Waweella.”

Masalimo 148:8

nyu munllo ni marallalla, nyu nakhuttu ni mirapo, nyu ephevo ddawoopiha ddawiiwellella malamulwiiwa,

Yona 1:4

Koma Apwiya yaarumiha namondwe va enyanjamvo. Namondwooyo aanoopa mwawoopiha wunchichi vawi echombo yahanlle vang'ono ophweeya.

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

Masalimo 107:25

Apwiya yalamulalliiwa, yaamwaambiha namondwe oyo aambihalle mafunde va enyanja.

Yobu 5:10

Annamurupiha murimu veellaponi, annarumiha maaddi m'matani.

1 Mamwene 18:1

Viviralle mallapo manchichi, muyakha waneeraru wa ettalla, mawu a Apwiya yaawa wa Eliya wi, “Khawe waddoonihelle wa Ahabu. Kineeromurupiha murimu va ellapo yavatthi.”

Masalimo 78:26

Aayoopiha ephevo ya wookhuma nndduwa, awiiha ephevo ya omwera ni masivaaye.