Masalimo 135:3 - Mawu a Mulluku

³ Atitimiheni Apwiya vawi tti aphaama, ipani machipo ootitimiha nnddina niwa, vawi tti noohakallalliha wunchichi.

Masalimo 135:3 ပူးပေါင်းရင်းမြစ်များ

Masalimo 147:1

Aleluya! Tti waphaama wiipa machipo oomutitimiha Mullukwaahu, tti woohakallalliha ni waphaama waatitimiha.

Masalimo 119:68

Nyuwaano tti ooreera murima, ddaweera ddanyu tti ddaphaama, kihuddiheni malamulwaanyu.

Masalimo 106:1

Aleluya! Athokozeni Apwiya vawi tti aphaama, echikondiiwa yoohisintheya tti ya enthawi yoohimalla.

Masalimo 33:1

Hakallallani mwa Apwiya nyu aweella murima, ddawoona, athu oolungama yaatitimiheke.

Masalimo 118:1

Athokozeni Apwiya kaambiiwa tti aphaama, echikondiiwa yoohisintheya tti ya enthawi yoohimalla.

Mateyu 19:17

Vano Yesu ahaakhulla wi, “Onakikohera tini dda ddeko nnddo ddiri ddaphaama? Mullukuve sika ari aphaama. Waapaallaka ovollowa mu okumi woohimalla owiiwellelleke malamulwaaye.”

Masalimo 100:5

Vallethi Apwiya tti aphaama, echikondiiwa yoohisintheya tti ya enthawi yoohimalla, ororomelleya wiwa tti wa mibado ddittheddene.

Masalimo 63:5

Muneerokivoniha ni ddoonuna, kineerewuutitimihani ni mawu oohakallalla.

Masalimo 136:1

Athokozeni Apwiya vawi tti aphaama, echikondiiwa yoohisintheya tti ya enthawi yoohimalla.

Masalimo 107:1

Athokozeni Apwiya kaambiiwa tti aphaama, vawi echikondiiwa yoohisintheya tti ya enthawi yoohimalla.