Masalimo 133:3 - Mawu a Mulluku

³ Onakhalla wonanko nikame na o Heremoni, nookitthella o miyaango dda Ziyoni, vawi o Ziyoni Apwiya ennavelleellawo madaliso, okumi wa enthawi yoohimalla.

Masalimo 133:3 ပူးပေါင်းရင်းမြစ်များ

Deuteronomo 28:8

“Apwiya eneerodalisa mitteko ddanyu ni oddalliha ekhokwe ddanyu nave eneerewuudalisani mwiillaponi enuuvahiiwaneeyo.

Masalimo 42:8

Otthaana Apwiya ennooniha echikondiiwa yoohisintheya mahiiyu kinniipa nchipo niwa ni omuvekella Mulluku a okumaaka.

Levitiko 25:21

Miyaano kineerewuudalisani va muyakha waneetthanu ni mmodda wi ethaya ekhumihe ddoocha ddookwakhwana miyakha miraru.

Deuteronomo 4:48

Ellapo yaakhilleeweeyo yaambeelle muzinda wa Aroere oyo ori mukhwipi mwa ntapo na Arinoni ophiya o mwaango wa Sirioni (sika wi mwaango wa Heremoni).

1 Yohane 5:11

Omboni yoolla tti wawi Mulluku oonivaha okumi woohimalla nave okumi yoolla onavenyera mwa Mwanaye.

Aroma 5:21

Sika vano vawi machimo yaanalamulella ohoollella o okhwa, emoddamoddave yeeyo, vano echisomo ya Mulluku ennalamulella oweella mu echilungamo, ennanihoollella o okumi woohimalla oweella mwa Yesu Khrisitu Apwiihu.

Mika 5:7

Oohalla a Yakobo enaakhalle variyari va mitundu ddinchichi dda athu wonanko nikame noovenyera wa Apwiya. Enaakhalle wonanko murimu oorupella vamanasini moohiselliwa vawi khanatiyera olamuliwa ni muthu.

Masalimo 16:11

Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano. Onnattanatta wanyu, kinnahakallalla wa enthawi yoohimalla.”

Aroma 6:23

Vawi mallivello a machimo tti okhwa. Koma emphaso ya Mulluku tti okumi woohimalla mu eyaattano ni Khrisitu Yesu Apwiihu.

Yohane 6:68

Simoni Petro ahaakhulla wi, “Apwiya, ninaaye wa aani? Tti nyeeneve muri ni mawu oovaha okumi woohimalla.

Yohane 5:29

Nave eneerokhumamo mu mahame mwiwa. Ayo yeerille ddaphaama eneerovenyihiwa wa ookhwa nave yaayo yeerille ddoonanara eneerovenyihiwa wi yeeruziwe.

Yoswa 13:11

owaakattho etawoni ya Giliyadi ni ellapo ettheene ya Ageshuri ni ya Amaakati, owaakattho mwaango muttheene wa Heremoni ni ya Bashani ophiya o Saleka,

Yawuupullulla 1:18

Ookumoolle tti miyaano! Kaari ookhwa koma vano kookhalla ni okumi woohimalla. Kookhalla ni kiiyi a va okhwa ni a va ellapo ya ookhwa.

1 Yohane 2:25

Khrisitu aalonjeza onivaha okumi woohimalla.

Miyambo 19:12

Osha murima wa mwene tti wonanko othuruma wa mukango koma oreera murima waye tti wonanko nikame vamanasini.

Masalimo 21:4

Olliye uuvekilleni okumi, nyuwaano mwaamuvaha okumi woorekama, woohimalla.

Yohane 5:24

“Ddawoona, kinimuulleellani wi, oyo aniiwa ni wiiwellella mawaaka nave anakhulupilila mwa yooyo aakirumalle ookhalla ni okumi woohimalla. Yoolla kheeruziwa koma ookhuma khalle wa ookhwa avollowa mu okumi.

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”

Masalimo 21:5

Mwaamupambaniha wi ariiheye wuullupalli, mwaamweeriha wi akhalle ni olemu muullupalli.