Masalimo 132:7 - Mawu a Mulluku

⁷ Hankoni niye onipuroni Apwiya enakhalliiwawo, naallapelle woonyingallavo manyallwiiwa.

Masalimo 132:7 ပူးပေါင်းရင်းမြစ်များ

Masalimo 99:5

Atitimiheni Apwiya Mullukwaahu, kokhorellani voonyingalla manyallwiiwa, alliwa tti aweella!

Masalimo 5:7

Koma miyaano kineerovollowa mpa mwanyu, ekaamba ya echikondaanyu yoohisintheya. Kineerokokhora moowarama, owiitthoni wa enyumbaanyu yaweella nave kineerewuullapellani.

Maliro 2:1

Apwiya aasha murima wunchichi, ngoonani amukhuneellelleeye mwaana aamutthiyana, Ziyoni ni epiphi. Aawutathillella vatthi oriiheya wa Ziyoni ovenyera oddullu. Va nllapo na osha murima wiwa kheyaawupuwenlle wi Israele aari wonanko voonyingallavo manyallwiiwa.

Masalimo 122:1

Kaahakallalla yakilleelliiwa wi, “Hankoni o enyumba ya Apwiya.”

Masalimo 118:19

Kihullelleni millako dda echilungamo wi kivollowemo kaathokoze Apwiya.

Yesaya 2:3

Athu a mitundu ddinchichi eneeroowa ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.

Masalimo 95:6

Waawoni naavekelle nave naallapelle, hankoni nikokhore vamiitthoni va Apwiya oophatusaahu.

Masalimo 99:9

Atitimiheni Apwiya Mullukwaahu, allapelleni o mwaangwiiwa waweella, Apwiya Mullukwaahu tti aweella.