Masalimo 132:5 - Mawu a Mulluku

⁵ ophiyera kaaphwanyenlle Apwiya nipuro, mookhalla Amasiva Mattheene a Yakobo.”

Masalimo 132:5 ပူးပေါင်းရင်းမြစ်များ

Aefeso 2:22

Mu eyaattano ni Khrisitu nanyeenettho munimamakiwa vamodda ni amodda attheenaayo wi mukhalle nipuro nookhallamo Mulluku oweella mwa munepaaye.

2 Epilli 2:6

Koma ttaani anaawore waamakella enyumba vawi oddullu woowellesesa khonaakwakhwanella? Mi kiri aani awi ttuuwora waamakella enyumba ohiri nipuro nawoosellavo lubani vamiitthoni viwa?

1 Epilli 22:7

Davide aallota wa Solomoni wi, “Mwanaka, mi kaganiza m'murimani mwaka wi kaamakelle enyumba Apwiya Mullukwaaka.

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

1 Epilli 15:12

Nave ahaalleella wi, “Nyu tti oohoollella a mabanja a makhollo a Alevi. Muddeellihe weekhiinyu ni abalaanyu wi mwakuse nibokosi na echipangano na Apwiya Mulluku a Aisraele nave mwanihiye o nipuro nno kakhozilleemi.

1 Epilli 15:3

Nave ahaatthukumaniha Aisraele attheene a o Yerusalemu wi yakuse nibokosi na echipangano na Mulluku, eweena o nipuro niwa nko anikhozelleeye.

1 Mamwene 8:27

“Ethiyo Mulluku ttuukhalla va ellapo yavatthi? Vawi oddullu khonuukwanellani, ddinaaworeye mwawiidde wi mukhalle mu enyumba kimakilleemeella?

2 Samuele 6:17

Vano athu yaawaana nibokosi na Apwiya nave yaanihiya va nipuro niwa muwari mwa musasa atthipenlle Davide. Vano yaavelleella mikutho ddooshellelliha ni dda eyaattano wa Mulluku.

2 Samuele 7:1

Mwene Davide akeraattheyille mu enyumbaaye yoomwene, Apwiya yaamwiithuuwiha wa adanaaye attheene oowaapheella ellapwaaye.

1 Mamwene 8:17

Nave Solomoni aavirellella wi, “Attiitthaaka Davide yaaganiza ddoomaka enyumba ya Apwiya mowaallapellellamo Apwiya Mulluku a Aisraele.

1 Epilli 28:2

Vano mwene Davide ahiimella allota wi, “Nyu asinnaka ni athwaaka, kaapelleni maaru. Kaakhalla ni maganizo m'murimani mwaka awi kimake enyumba yoohiyamo nibokosi na echipangano na Apwiya nno ninaakhalle wonanko nipuro noonyingallavo Apwiya Mullukwaahu. Nave kaakhozekella khalle ddoomaka enyumbeeyo.”