Masalimo 132:14 - Mawu a Mulluku

¹⁴ Yaallota wi, “Nenna sika nipuro naka nawiithuuwellamo wa enthawi yoohimalla, kinaakhalle weewuno kaambiiwa koopaallesesawo.

Masalimo 132:14 ပူးပေါင်းရင်းမြစ်များ

Masalimo 132:8

Nyu Apwiya venyani, muye onipuroni nanyu nawiithuuwellawo, nyu ni nibokosi na echipangano, echizindikiro ya masivaanyu.

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Masalimo 135:21

Edaliseye Apwiya ovenyera o Ziyoni, ayo enakhalla o Yerusalemu! Aleluya!

Masalimo 87:2

Apwiya ennakonda millako dda Ziyoni okhwaranya orive weko nko Yakobo anakhalleeyewo.

Masalimo 76:2

Enyumbaaye eri o Yerusalemu, nipuro naye niri o mwaango wa Ziyoni.

1 Mamwene 8:13

Koma kohuumakellani enyumba yooriiheya, nipuro nno munaakhallekeenyumo enthawi yoohimalla.”

Zefaniya 3:17

Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

Yesaya 8:18

Ngoonani, kiri mva vamodda ni anamwani kavahiweemi ni Mulluku. Niri echizindikiro ni ddoodduwelliha wa Aisraele ddoovenyera wa Apwiya Amasiva Mattheene ayo enakhalla va mwaango wa Ziyoni.

Masalimo 68:18

Nyuwaano mwaawella oddullu, mwahaaphara athu anchichi monga amundende, mwahaakhella emphaso wa athu, naari wa athu oowukila, wi mwakhallekena wenko, nyu Apwiya Mulluku.

Aefeso 2:22

Mu eyaattano ni Khrisitu nanyeenettho munimamakiwa vamodda ni amodda attheenaayo wi mukhalle nipuro nookhallamo Mulluku oweella mwa munepaaye.

Mateyu 23:21

Nave allupella oromolla enyumba ya Mulluku anallupella va yeeyo ni va Mulluku oyo anakhalla mwemmo.

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Yawuupullulla 21:23

Khewaapaalleyettho wi m'muzindanimmo mukhalle nndduwa apaalle mweeri wi ddimolleellekemo kaambiiwa ntitimiho na Mulluku sika owala nave mwaanaankhosa sika enyaaliiwa.

Aheberi 12:22

Koma nyuwaano moophiya o mwaango wa Ziyoni nave o Yerusalemu ooddullu, o muzinda wa Mulluku Ookumi, nko ori angelo anchichi enahakallalla.

Yowele 3:21

Kineerohokollosella ddoonanara ekaamba ya ayo yiiphiwe, oochimwa ngaahiya ddiiddo oohaallaka vawi mi tti Apwiya ookhalla o Ziyoni.”

Masalimo 68:16

We mwaango wa etthoka ddinchichi, kaambiiwa tini onaweheewe mwa ehache mwaango oyo Mulluku awutthoonlleeye wi akhallekemo? Ddawoona, Apwiya eneerokhallamo wa enthawi yoohimalla.

1 Mamwene 8:27

“Ethiyo Mulluku ttuukhalla va ellapo yavatthi? Vawi oddullu khonuukwanellani, ddinaaworeye mwawiidde wi mukhalle mu enyumba kimakilleemeella?

1 Mamwene 9:3

Vano Apwiya yaamulleella wi, “Kohiiwa nivekello nawo ni okhuwa wawo weerilleewe vamiitthoni vaka. Kooyipatula enyumba oyimakilleeweella nave koohiyamo nnddina naka wi athu ekillapellekemo wa enthawi yoohimalla. Miitthwaaka ni murimaaka ddinaakhalle mwemmo enthawi ddittheddene.

1 Epilli 23:25

Vawi Davide aallota wi, “Apwiya Mulluku a Israele ohaavaha athwaaye murendelle nave eneerokhalla mu Yerusalemu wa enthawi yoohimalla.