Masalimo 132:12 - Mawu a Mulluku

¹² Edduullu ddawo ddasunga echipanganwaaka ni malamulwaaka ayo kinaddihuddiheemi, edduullu ddiwattho ddineerokhalla va mpandwaawo woomwene wa enthawi yoohimalla.”

Masalimo 132:12 ပူးပေါင်းရင်းမြစ်များ

Mitteko 2:30

Vallethi aarittho namallotella nave aadduwella wi, Mulluku aallupella wi mmodda a edduullu ddaye aneeroowa avollowe omwenaaye.

Yesaya 59:21

Kineerokeraatthiha echipangano ni nyuwaano ovenyera ollello ophiyera wa enthawi yoohimalla. Munepaaka oyo ori mwa nyuwaano navettho mawaaka ayo kaahiyalleemi muwano mwanyu, kheddiwa ddivenya muwano mwanyu apaalle mwa aniinyu apaalle mwa edduullu ddanyu wa enthawi yoohimalla.”

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Masalimo 115:14

Apwiya yuuruuwiheni nyuwaano ni edduullu ddanyu.

Masalimo 102:28

Anamwani a hiyaano oorumeyellaanyu eneerokhalla mwamurendelle, edduullu ddahu ddineerokeraattheya vamiitthoni vanyu.”

1 Mamwene 2:4

Sika Apwiya eneerokwakhwanihella nnddo yallotilliiwa dda miyaano wi, ‘Anaawo yasunga phaama ettilla ddiwa ni weeta vamiitthoni vaka moororomelleya ni murimiiwa muttheene ni okumiiwa muttheene, khaviwa virama edduullu va mpando woomwene wa Israele.’ ”

1 Mamwene 8:25

Sika vano nyu Apwiya Mulluku a Aisraele, upuwellani nndde mwalonjezilleenyu wa Davide oorumeyellaanyu voollotani wi, ‘Khaviwa virama edduullu va nibanja nawo ookhalla vamiitthoni vaka va mpando woomwene wa Israele, vaavove anaawo yaapwathaka makhallellwiiwa ni weeta vamiitthoni vaka monga weyaano weetelleewe.’

2 Epilli 7:18

vaavo kineerokeraatthiha mpandwaawo woomwene wa enthawi yoohimalla monga kalonjezilleemi wa Davide attiittho wi, ‘Khaviwa virama muthu a mu nibanja nawo oyo anaalamulelleke Israele.’

Yeremiya 33:17

Ddawoona, miyaano Apwiya kinalonjeza wi Davide khawa arama edduullu yoovollowa munipuroni mwaye va mpandwaaye woomwene wa Israele.