Masalimo 132:11 - Mawu a Mulluku

¹¹ Apwiya yaamullupellella Davide moomusimikizella wi khewa esintha, yaallota wi, “Kineeromukeraatthiha va mpando woomwene mmodda a edduullu ddawo.

Masalimo 132:11 ပူးပေါင်းရင်းမြစ်များ

2 Samuele 7:12

Mallapwaawo yakwakhwana wi okhwe, kineeromutthoolla mmodda a anaawo wi akhalle mwene nave kineerokeraatthiha omwenaaye.

Masalimo 110:4

Apwiya aallupella khesintha maganizwiiwa awi, “We tti mullupa mukutho wa enthawi yoohimalla, omullupa mukuthweene wonanko wa Melkizedeki.”*

Mitteko 2:30

Vallethi aarittho namallotella nave aadduwella wi, Mulluku aallupella wi mmodda a edduullu ddaye aneeroowa avollowe omwenaaye.

2 Epilli 6:16

Sika vano nyu Apwiya Mulluku a Aisraele, upuwellani nndde mwalonjezilleenyu wa Davide oorumeyellaanyu voollotani wi, ‘Khaviwa virama edduullu va nibanja nawo ookhalla vamiitthoni vaka va mpando woomwene wa Israele, vaavove anaawo yaapwathaka makhallellwiiwa ni weeta vamiitthoni vaka monga weyaano weetelleewe.’

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

Luka 1:32

Olliye aneerokhalla muullupalli nave aneeroromolliwa Mwaana a Mulluku Muullupalli. Apwiya Mulluku eneeromweera akhalle mwene wonanko nikhollo naye, Davide.

Masalimo 89:37

Omwenaaye oneerokeraattheya wa enthawi yoohimalla wonanko mweeri, mbonaaka oororomelleya muddullu.”

Masalimo 89:35

Kaallupella omodda wi, ‘Vamiitthoni va nnddina naka naweella, ngiwa kimulleka Davide.’

Masalimo 89:33

Koma ngiwa kimuvenyihella echikondaaka yoohisintheya, ngiwa kikhalla oohiroromelleya wa olliye.

1 Mamwene 8:25

Sika vano nyu Apwiya Mulluku a Aisraele, upuwellani nndde mwalonjezilleenyu wa Davide oorumeyellaanyu voollotani wi, ‘Khaviwa virama edduullu va nibanja nawo ookhalla vamiitthoni vaka va mpando woomwene wa Israele, vaavove anaawo yaapwathaka makhallellwiiwa ni weeta vamiitthoni vaka monga weyaano weetelleewe.’

2 Samuele 7:16

Vano kineerokeraatthiha nibanja nawo ni omwenaawo wa enthawi yoohimalla vamiitthoni vaka. Ddawoona, kinallota wi omwenaawo oneerokhalla wa enthawi yoohimalla.’ ”

2 Samuele 7:14

Miyaano kinaakhalle attiitthinnya nave olliye anaakhalle mwanaka. Aachimwaka wiilliwiilli kineerekomullaka wonanko mmo attiitthi enaallakelliiwa aniiwa.

1 Samuele 15:29

Mulluku antitimiho a Aisraele, khanoottha apaalle osintha maganizo. Vawi olliye khe muthu wi ttuusintha maganizo.”

Numeri 23:19

Mulluku khari wonanko muthu wi ttuuwoottha, khahiyo muthu wi ttuusintha maganizwaaye. Ethiyo kheera nnddo allotilleeye, khakwakhwaniha nnddo alonjezilleeye?

1 Mamwene 1:48

‘Kinnuutitimihani nyu Apwiya Mulluku a Israele ayo mweerihalle wi mmodda a anaaka avollowe omwenaaka ollello mi kiri mukumi.’ ”

2 Epilli 7:18

vaavo kineerokeraatthiha mpandwaawo woomwene wa enthawi yoohimalla monga kalonjezilleemi wa Davide attiittho wi, ‘Khaviwa virama muthu a mu nibanja nawo oyo anaalamulelleke Israele.’

Masalimo 89:5

Nyu Apwiya, ddooddullu ddinnatitimiha ddoottikhiniha ddanyu, ororomelleya wanyu, m'mutthukumanoni wa aweella.