Masalimo 130:5 - Mawu a Mulluku

⁵ Kinnatiyera nikavihero na Apwiya, kinnaweherella ni murima muttheene, kinnaroromella mawiiwa.

Masalimo 130:5 ပူးပေါင်းရင်းမြစ်များ

Masalimo 33:20

Mirima ddahu ddinnaaroromella Apwiya kaambiiwa alliwa tti nikavihero ni yawiitetezellaahu.

Yesaya 30:18

Komave Apwiya ennatiyerella oweerellani echifundo alliwa tti ookhonzeka wi yuureerelleni murima ekaamba yawi Apwiya tti Mulluku eechilungamo. Oodalisiwa tti attheene enaaroromella Apwiya.

Masalimo 119:81

Okumaaka woofooka vootiyerani ovullusa wanyu, koma kinnaroromella mawaanyu

Masalimo 62:5

Murimaaka onnamaalleya omutiyerella Mullukuve. Ovullusiwa waka onavenyera wa olliye.

Masalimo 62:1

Murimaaka onnamaalleya omutiyera Mullukuve, ovullusiwa waka onavenyera wa olliye.

Masalimo 40:1

Kahaatiyerella Apwiya ni murimaaka muttheene wi ekikavihere, yaawaramella vatthi ekiweha, yiiwa winlla waka.

Masalimo 27:14

Vano atiyere Apwiya. Khalla amasiva nave ollipe murima. Ddawoona, atiyere Apwiya.

Yesaya 8:17

Kineerewaatiyerella Apwiya ayo yiipitthihalle ekhoviiwa va nibanja na Yakobo nave kineereewaatiyerellesesa.

Masalimo 119:74

Athu oowoovani eneerokoona nave eneerohakallalla, vawi koororomella mawaanyu.

Masalimo 119:114

Nyuwaano tti mwawiipitthamo mwaka, echishangwaaka kinnaroromella mawaanyu.

Genesis 49:18

“Kinatiyerella ovullusa wa Apwiya.”

Masalimo 119:49

Upuwellani mawaanyu wa mi oorumeyellaanyu, mawu ayo enakivaha etiyerello.

Yesaya 26:8

Ninnathwara ettilla ya malamulwaanyu, nyu Apwiya, ninnuutiyerellani. Ninnapaallesesa wi muupuwelliweke ni wi nnddina nanyu nititimihiweke.

Masalimo 119:42

Vaavo kineerokhalla ni yoowaakhulla athu ookinyemulla, vawi kinnakhulupilila mawaanyu.

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

Luka 2:38

Va enthawi yeeyo aayattho wa Mariya ni Yosefe, aamba omutitimiha Mulluku, allotakattho dda mwaanooyo wa attheene ayo yatiyera wi Mulluku amoopolle Yerusalemu.

Luka 2:25

Mallapo yaayo waakhalla mullopwana o Yerusalemunko nnddina naye Simiyoni. Aari muthu oolungama, oomwiiwellella Mulluku, atiyera enthawi yawi Mulluku aavulluse a Israele nave Munepa Waweella aari va olliyooyo.