Masalimo 13:4 - Mawu a Mulluku

⁴ Adanaaka ehillote wi, “Noomugonjiha!” Ehihakallalle ni omorihiwa waka.

Masalimo 13:4 ပူးပေါင်းရင်းမြစ်များ

Masalimo 25:2

Murimaaka muttheene kinahiya va nyu Mullukwaaka, muhinaakhullella wi adanaaka ekiwulliheke muru, muhinaakhullella wi ehakallallelleke ohoosiwa waka.

Yeremiya 1:19

Eneerollipana ni weyaano koma oneeropambana vawi kiri ni weyaano nave kineerewuuvullusa.” Mi Apwiya koollota.

Miyambo 12:3

Ochimwa khonamuteteza muthu koma oolungama khanasuseya.

Masalimo 62:6

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Masalimo 38:16

Vawi kinnavekella wi, “Muhaakhullelle wi ehakallallelle va miyaano ayo enakinyemulla yoona wi kooserenguwa.”

Yoswa 7:9

Akanani ni athu amodda attheene ookhalla mwiillaponimmu eneerewiiwa nave eneeronaapheella ni oniipha attheene. Ethiyo vano nyuwaano munaaweere tini oteteza nnddina nanyu nuullupalli?”

Maliro 1:16

Ekaamba ya ddenndda kiniminlla, miitthwaaka ennamora miitthori, vawi ookikhurumusa murima khari vakhuviru, ookillipiha murima oorekamella. Athwaaka ehanlle weekhiiwa, vawi mudani oonigonjiha.

Masalimo 112:6

Vawi muthu oolungama khanatikheya naari vang'ono, khatiwalleya wa enthawi yoohimalla.

Masalimo 62:2

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Masalimo 55:22

Areye Apwiya ddookhupanya ddawo, alliwa eneerewuuseera, kheyaakhullella wi oolungamiiwa atikheye.

Masalimo 35:25

Ehilloteke m'murimani mwiwa wi, ‘Napaalleehu tti ddenndda,’ Muhiwaakhullelle wi ellotekettho wi, ‘Yoolla noomugonjiha.’

Masalimo 35:19

Muhaakhullelle wi adanaaka oolleka ehakallalle ekaamba ya ddookatamiha ddaka. Muhaakhullelle wi ayo enakiita vihiri ekaamba ekiweheke ni eserekulle mookivevulla.

Masalimo 10:11

Oonanara m'murimani mwaye anallota wi, “Mulluku khanapwathawo, ookhuneella owiitthoni, khakoona.”

Masalimo 9:19

Apwiya venyani, muthu ahuuvevulleni, weeruzeni athu a mitundu ddimodda vamiitthoni vanyu.

Ezara 9:8

Koma vano wa enthawi yooyeva nyu Apwiya Mullukwaahu mooneerella echifundo voohinitthollosani wuukaporoni koma onivaha nipuro mu nipuro nanyu noopatuleya. Sika nyuwaano Mullukwaahu moonikhunuulla miittho ni onihihimulla wuukaporoni.