Masalimo 128:2 - Mawu a Mulluku

² Onaache ezipaso dda mitteko dda mattaawo, onaadalisiwe ni ddeko ddaphaama.

Masalimo 128:2 ပူးပေါင်းရင်းမြစ်များ

Yesaya 3:10

Oodalisiwa tti athu oolungama vawi ddeko ddineeroweetella phaama nave eneerohakallalla ni mitteko dda mattiiwa.

Yesaya 62:8

Apwiya yaallupella ni murimiiwa muttheene, eneerosunga ollupellanko ni masiviiwa. Yallotille wi, “Adanaawo khemuchattho tirigwaawo, alleto khemuwiryattho vinywaawo.

Deuteronomo 28:4

“Apwiya eneerodalisa ezipaso dda m'mwiillini mwanyu, ezipaso dda m'matani mwanyu ni asaana a eziweto ddanyu.

Deuteronomo 28:11

Apwiya eneerewuudalisani ni ezipaso dda m'mwiillini mwanyu ddinchichi, eziweto ddinchichi navettho ddoohata ddinchichi. Eneerewuuvahani ddittheddenenndda mu ellapo eyo yallupenlliiwa wa makhollwaanyu wi eneerewuuvahani.

1 Akorinto 15:58

Sika vano, asinnaka ni arokoraka ookondiwa, khallani oohitikheya ni oohisuseya. Hiyani murimaanyu va mutteko wa Apwiya vawi munnadduwella wi oweella mwa alliwa, muttekwaanyu onnakhalla ni mphuro.

Oollalleya 8:12

Naari muthu oochimwa eerille ddoonanara wunchichi, annakhallave ni okumi wa enthawi yoorekama koma kinnadduwella wi oomwiiwellella Mulluku ddinnamweetella phaama vawi annamoova Mulluku.

Yeremiya 22:15

Ethiyo onaganiza wi ori mwene kaambiiwa enyumba ddawo tti ddamukunguza? Attiittho yaakhalla ni erive ello, yaaneeruza moolungama ni moohiweha ekhove, ddittheddene ddaanaweetella phaama.

Yesaya 65:13

Sika Apwiya Mulluku enallota wi, ‘Ngoonani, oorumeyellaaka eneerocha koma nyuwaano muneerokhalla ni ettalla. Oorumeyellaaka eneerowirya koma nyuwaano muneerovolliwa nthona. Oorumeyellaaka eneerohakallalla koma nyuwaano muneerowulliwa muru.

Deuteronomo 28:51

Eneerewuuchellani eziweto ddanyu ni ddeko ddam'matani ddene ophiyera mukhwille ni ettalla. Kheyuuhiyerani naari vang'ono tirigu, vinyo, makhura a olivi apaalle eziweto, ophiyera yuutthollosilleni.

Deuteronomo 28:39

Muneerekollima emata ddampesa, oddipwatha phaama ddene koma mpesannddo khamuddirukullaka apaalle omuwirya vang'ono vinywiiwa kaambiiwa miingu sika ddinaacheke.

Genesis 3:19

“Onaaphareke mutteko wanikhurumella, ophiyera enthawi yoohokollweella othayani nko wavenyereewewo. Wavenyere othayani, oneerohokollweellattho othayani wenko.”

Masalimo 109:11

Ookongoliha makobiri aphare ddittheddene ariiyena, alleto yaakhe nnddo aphwanyilleeye ni mitteko ddaye.

Deuteronomo 28:8

“Apwiya eneerodalisa mitteko ddanyu ni oddalliha ekhokwe ddanyu nave eneerewuudalisani mwiillaponi enuuvahiiwaneeyo.

Masalimo 1:3

Muthooyo ari wonanko muteekho, wowaalliwa mukhwipi mwa muhinje, wowimma mu enthawi yaphaama, oyo makatthiiwa ehinanyaalla. Ddaweera ddaye ddittheddene ddinnamweetella phaama.