Masalimo 125:5 - Mawu a Mulluku

⁵ Koma athu ayo enathwara ettilla ddiwa ddookhoromana, Apwiya eneerowiikarihella nko ori athu oochimwa. Murendelle okhalle ni Israele.

Masalimo 125:5 ပူးပေါင်းရင်းမြစ်များ

Yesaya 59:8

Alliwa khenadduwella ettilla ya murendelle nave ddaweera ddiwa ddittheddene khaddinna echilungamo. Eneeta ettilla ddoovirikana nave arive muthu aweetamo khanaphwanya murendelle.

Miyambo 2:15

Athu yaalla ettilla ddiwa tti ddookhoromana, makhallellwiiwa tti oolleka.

Masalimo 128:6

Okhalle ni okumi woorekama wi woone edduullu ddawo. Murendelle okhalle ni Israele.

Masalimo 40:4

Oodala tti muthu oyo anaaroromella Apwiya, muthu oyo ahinahapuwella o mafano, othwara milluku ddawoottha.

Agalatiya 6:16

Nave ayo eniiwellella lamulo nenna, murendelle ni echifundo ddikhalle ni yaayo ni athu a Mulluku attheene!

Yohane 14:27

“Kinuuhiyerani nyuwaano murendelle; murendellaaka kinuuvaheemini. Nginuuvahani nyuwaano wonanko mmo ellapo yavatthi enavahelliiwa. Sika muhikhupanyeke navettho muhooveke.

Mateyu 7:23

Vano kineerewaalleella wi, ‘Nguudduwenlleni naari vang'ono. Mukivenyerevo, nyu athu aweera ddoonanara!’

Masalimo 101:3

miitthwaaka khekhalla va ddeko ddoohikhalla ni mutteko. Kinniitanana ddaweera dda athu awuuhiyani, kheddinakiddivella naari vang'ono.

Afilipi 2:15

wi mukhalle oohichimwa ni aweella wonanko anamwani a Mulluku aphaama ayo enakhalla mu ellapo ya athu oonanara ni oolleka. Munaphwanella muwaleke variyari va yaayo wonanko etheneeri ddoowala.

1 Petro 1:2

Mwaatthoolliwa moollikana ni yoolinga ya Mulluku Attiitthaanyu nave mwaheeriwa athu aweella ni munepaaye wi mumwiiwellelle Yesu Khrisitu ni weellihiwa ni nikhame naye. Echisomo yawaata ni murendelle munchichi ddikhalle ni nyuwaano.

Aheberi 10:38

Vano athwaaka oolungama eneerokhalla ni okumi ekaamba ya echikhulupililwiiwa. Koma yaahokollweellaka mutulli, nginahakallallana.”

Zefaniya 1:6

Alliwaayo yahaareya etulli Apwiya ehinaathwarattho, ehinawaashaasha apaalle waaveka ezeru.

Hoseya 2:18

Enthawi yeeyo kineerokeraatthiha echipangano ni enama ddamuhakani, epallame ddoovava, ddawaapadda wi ddaattane ni athwaaka. Vano kineerewinttaka muura, nsupada ni ezida ddakhoto ddimodda ddittheddene nave kineeroddivenyihamo mwiillaponimmo wi alliwa ekhalleke mwamurendelle.

Ezekiele 37:26

Kineerokeraatthihana echipangano yamurendelle. Echipangano yeella eneerokhalla yayiwa wa enthawi yoohimalla. Kineerewaakeraatthiha ni Waaruuwiha nave kineerohiya enyumbaaka variyari viwa wa enthawi yoohimalla.

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yesaya 54:13

Anaawo attheene eneerohuddihiwa ni mi Apwiya, kineerewaadalisa ni waavaha murendelle munchichi.

Yesaya 54:10

Miyaango ttuususeya, asimiyaango ttuutikheya koma echikondaaka yoohisintheya va weyaano khewa emalla, Echipanganwaaka yamurendelle kineeroyisunga murendelle wa enthawi yoohimalla.” Apwiya ayo enaweerella echifundo sika enallota ddenndda.

Miyambo 14:14

Muthu oonanara aneerovona ezipaso dda ettillaaye koma aphaama aneerovona ezipaso dda mitteko ddaye.

Masalimo 94:4

Attheene aweera ddoonanara ennallota mwawiitukhulla, ennakota.

Masalimo 92:7

Athu oonanara naari ephuweke wonanko manasi, oochimwa ddeko ddiweetelleke phaama, yayiwa tti echiwonongeko yoohimalla.

Yobu 23:11

Koowanddeellella othwara manyallwaaye, koopharesesa oohihiya ettillaaye.

2 Samuele 22:22

Miyaano kaathwara ettilla dda Apwiya, ngaachimwalle voomuhiyani Mullukwaaka.

Masalimo 92:8

Nyu nyookha Apwiya tti Amasiva Mattheene wa enthawi yoohimalla.

Masalimo 92:10

Koma moowelliha nnyaka naka wonanko enari, mookizoza makhura anaanweene.

Miyambo 21:16

Muthu oyo anahiya ettilla ya ezeru aneeromallella m'mutthukumano wa ookhwa.

Luka 11:25

Nave wawa onaphwanya mpammo muri mooshelliwa ni moopotokosiwa phaama.’