Masalimo 125:1 - Mawu a Mulluku

¹ Athu ayo enaaroromella Apwiya tti oollipa wonanko mwaango wa Ziyoni, woohitikheya ni wookeraattheya wa enthawi yoohimalla.

Masalimo 125:1 ပူးပေါင်းရင်းမြစ်များ

Masalimo 62:2

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Zekariya 1:17

“Ollalleyettho wi Apwiya Amasiva Mattheene eni, ‘Mu mizinda ddaka muneerokhallattho eyuuma yinchichi. Kineeromukhurumusa murima Ziyoni nave kineeromutthattusattho Yerusalemu muzindaaka wavamurimani.’ ”

Masalimo 34:22

Apwiya ennavullusa okumi wa oorumeyelliiwa, khaavo oothawella wa alliwa anallakiwa.

Masalimo 25:2

Murimaaka muttheene kinahiya va nyu Mullukwaaka, muhinaakhullella wi adanaaka ekiwulliheke muru, muhinaakhullella wi ehakallallelleke ohoosiwa waka.

Masalimo 120:1

Kaawinllella Apwiya mu ddookatamiha ddaka nave yaakaakhulla.

1 Epilli 5:20

Yaamuroromella Mulluku ni oveka nikavihero wa olliye nave Mulluku ahaakhulla oveka wiwa nave ahaapambaniha wa Ahagiri ni awiiwananiiwa.

Masalimo 121:1

Kinnatukhullella miitthwaaka oweha omwaangoni. Ethiyo nikavihero naka ninavenyera wuuwi?

Masalimo 62:6

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Masalimo 122:1

Kaahakallalla yakilleelliiwa wi, “Hankoni o enyumba ya Apwiya.”

Mika 4:2

athu a mitundu ddinchichi eneeroowa, ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.”

Yesaya 51:16

Kaahiya mawaaka muwano mwanyu, kahuutetezani ni nnatta naka. Kahaanddellella ddooddullu, kaakeraatthiha matthipello a ellapo yavatthi. Kahaalleella athu a o Ziyoni wi, ‘Muri athwaaka.’ ”

Masalimo 123:1

Kinnatukhulla miitthwaaka oweha wa nyuwaano, nyu munakhalla va mpando woomwene oddullu.

Masalimo 27:1

Apwiya sika owala waka ni oovullusaaka. Ttaani kinaamoovekeemi? Apwiya sika mpanda wooteteza okumaaka. Ttaani kinaamutthukumellellekeemi?

Yawuupullulla 14:1

Kaaweha nave kaamoona mwaanaankhosa iimenlle va mwaango wa Ziyoni. Aari vamodda ni athu 144,000 ayo eri ni nnddina naye ni nnddina na Attiitthinnya, ddilembiwe va eyuuchi ddiwa.

Zekariya 1:14

Mungelo aakilleella wi, “Llalleya wi Apwiya Amasiva Mattheene enallota wi, ‘Maganizwaaka mattheene ni murimaaka muttheene ddiri va Yerusalemu ni Ziyoni.

Obadiya 1:21

Athu oopambana a mwaango wa Ziyoni eneerogonjiha ni olamulella mwaango wa Esau nave eneeromulamulella, Apwiya aneena eneerokhalla mwene.”

Masalimo 25:8

Apwiya tti aphaama ni oolungama, ennamuhuddiha oochimwa ettilla ddiwa.

1 Petro 1:21

Oweella mwa olliyooyo, munnamukhulupilila Mulluku oyo aamuvenyihalle wa ookhwa nave amuvaha ntitimiho sika vano echikhulupilwaanyu ni otiyera wanyu tti dda va Mulluku.

Yesaya 52:1

We Ziyoni, venya venya, llipa murima. We Yerusalemu, muzinda waweella, wara ddoowara ddawo ddaphaama, athu oohiphaddiwa ni ooripihiwa khewa evollowattho va millako ddawo.

Yesaya 51:8

Athu yaalla eneeromalla wonanko ekuwo yoochiwa ni enjenjete, wonanko nthoche noochiwa ni miingu. Koma ovullusa waka onaakhalle wa enthawi yoohimalla, woopolla waka wa enthawi ddittheddene.”

Yesaya 14:32

“Ethiyo ninaawaakhulle tini Afilisti? Ninaallote wi, ‘Apwiya aamukeraatthiha Ziyoni nave mu muzinda yoolla athwiiwa oohoosiwa ennaphwanyamo voovulluwellavo.’ ”

Masalimo 147:11

koma Apwiya ennahakallalla ni athu oowoova, ayo enatiyera echikondiiwa yoohisintheya.

Masalimo 124:1

Apwiya ahikhanlleke o embalaahu, a Israele ellote ddiiddo vano,

Masalimo 46:5

Mulluku ari muwari mwa muzindooyo khotikheya aneerowukavihera nndduwa nihinakhume.

Yesaya 51:11

Ayo mwawooponlleenyu eneerohokollowa, eneerophiya o Ziyoni nchipo niri vayanoni, othapella woohimalla eneerewooneya va ekhove ddiwa. Eneerokhalla ni ehakallallo ni ottaphuwa, ethakaraka ni wiipullella ddineeromalla.

2 Epilli 20:20

Vano yaavenya ohinase eya yavollowa mu echipululu ya o Tekowa. Yakhumamwiiwa Yehoshafati ahiimella allota wi, “Nyu athu a o Yuda ni a mu Yerusalemu, apelleni maaru! Aroromelleni Apwiya Mullukwaanyu nave muneerokhalla ni masiva. Aroromelleni anamallotella nave muneeropambana.”

Masalimo 20:8

Adani eneerotthomowa emore, koma hiyaano nineerovenya niimelle.

Masalimo 46:6

Mitundu dda athu ddinnatthukumella wunchichi, moomwene ennatikheya. Mulluku allotaka mookhuwa, ellapo yavatthi ennattotthowa.

Masalimo 62:3

Ethiyo attheenenyu munaamullike muthu ophiyera niini wi mumukuhe wonanko esiri yootthettemana, wonanko mpanda waweengereya?

Masalimo 62:7

Ovullusiwa ni oriihiwa waka ddiri wa Mulluku, nlluku naka namasiva, woothawella waka.

Miyambo 10:25

Namangalle aawoopaka athu oochimwa ennavavihiwa koma oolungama ennakeraattheya wa enthawi yoohimalla.

Yesaya 26:3

Nyu Apwiya, munnavaha murendelle wawoona wa ookeraattheya murima ni awuuroromellani.

Yesaya 26:4

Aroromelleni Apwiya wa enthawi yoohimalla ekaamba yawi Apwiya Mulluku tti nlluku noohimalla.