Masalimo 124:1 - Mawu a Mulluku

¹ Apwiya ahikhanlleke o embalaahu, a Israele ellote ddiiddo vano,

Masalimo 124:1 ပူးပေါင်းရင်းမြစ်များ

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

Masalimo 56:9

Vano adanaaka eneerohokolloselliwa mutulli, va nllapo nno kinaamwiithaneemi Mulluku, koodduwella wi ari o embalaaka.

Masalimo 54:4

Koma Mulluku sika anakikavihera, Apwiya sika enaseera okumaaka,

Masalimo 120:1

Kaawinllella Apwiya mu ddookatamiha ddaka nave yaakaakhulla.

Masalimo 94:17

Apwiya yahikikavihereke, ddaano kiviralle o ellapo ya oohillota.

Masalimo 121:1

Kinnatukhullella miitthwaaka oweha omwaangoni. Ethiyo nikavihero naka ninavenyera wuuwi?

Masalimo 125:1

Athu ayo enaaroromella Apwiya tti oollipa wonanko mwaango wa Ziyoni, woohitikheya ni wookeraattheya wa enthawi yoohimalla.

Masalimo 46:7

Apwiya Amasiva Mattheene eri ni hiyaano, Mulluku a Yakobo sika woothawella wahu.

Masalimo 27:1

Apwiya sika owala waka ni oovullusaaka. Ttaani kinaamoovekeemi? Apwiya sika mpanda wooteteza okumaaka. Ttaani kinaamutthukumellellekeemi?

Masalimo 127:1

Apwiya yaahimaka enyumba, oomaka enyumbaayo enamakella nivuddo. Apwiya yaahiwuwehera muzinda, oowehera enasedderella nivuddo.

Masalimo 129:1

Vano Israele allote wi, “Adani aakhalla ekihoosaka wunchichi waambeella kiri musombwe.”

Masalimo 130:1

Nyu Apwiya, kinnawinllellani, kiri moowallamella.

Masalimo 128:1

Oodalisiwa tti arive muthu oyo anawoova Apwiya, oyo aneeta mu ettilla ddiwa.

Masalimo 133:1

Ngoonani, tti wooddiva ni woohakallalliha athu yakhalla amodda moobale!

Masalimo 126:1

Apwiya yanihokolloselliiwa o Ziyoni, nakhalla wonanko ninimalloha.

Eksodo 15:1

Vano Mose ni Aisraelaalle yahiipa nchipo wa Apwiya wi, “Kinapaalla kiwiipelle Apwiya ekaamba yawi aapambana mootitimiheya, ahaavokhella mu enyanja akavalo ni oowellavo.

Masalimo 132:1

Nyu Apwiya, muupuwelleni Davide ni ddookatamiha ddittheddene nnddo avillenlleeye.

Masalimo 123:1

Kinnatukhulla miitthwaaka oweha wa nyuwaano, nyu munakhalla va mpando woomwene oddullu.

Masalimo 122:1

Kaahakallalla yakilleelliiwa wi, “Hankoni o enyumba ya Apwiya.”

Masalimo 46:11

Apwiya Amasiva Mattheene eri ni hiyaano, Mulluku a Yakobo sika woothawella wahu.

Masalimo 134:1

Nyu attheene oorumeyella a Apwiya, awiimella mu enyumbiiwa a mahiiyu, waawoni, atitimiheni!

Masalimo 131:1

Nyu Apwiya, murimaaka tti woohiitukhulla, miitthwaaka tti oohikota, nginakuseya murima ni ddeko ddavaddullu ni ddoottikhiniha.

Genesis 31:42

Mulluku a attiitthaaka, Mulluku a Abrahamu, Mulluku oyo Isaki amooveye, ahikhanlleke ni miyaano, ddaano mukiikarihalle khalle mattave. Koma Mulluku ahoona ddookatamiha ddaka ni mitteko ddaka nave mahiiyu evirallaalla ohuuhumullullani.”

Masalimo 56:10

Kinnamutitimiha Mulluku ekaamba ya mawaaye, kinnaatitimiha Apwiya ekaamba ya malonjezanwaaye.