Masalimo 122:6 - Mawu a Mulluku

⁶ Vekellani murendelle wa Yerusalemu voollotani wi, “We Yerusalemu, athu ayo enuukonda ddeko ddiweetelleke phaama.

Masalimo 122:6 ပူးပေါင်းရင်းမြစ်များ

Masalimo 51:18

Muweerelle ddaphaama athu a o Ziyoni ekaamba ya oreera murima wanyu, mumakettho mpanda wa Yerusalemu.

Yeremiya 29:7

Mwaashaasheke murendelle o muzinda nko kawiikarelleniimiwo, wuukaporoni wi ddeko ddiweetellekeni phaama. Muddivekelleke mizindannddo wa Apwiya ekaamba yawi ddaakhallaka mwamurendelle nyuwaano muneerekokhallattho phaama.’

Genesis 12:3

Kineerewaadalisa attheene enuudalisa weyaano, koma kineeromutembelela arive muthu anuutembelela weyaano. Oweella mwa weyaano mitundu ddittheddene dda va ellapo yavatthi ddineerodalisiwa.”

Yeremiya 51:50

Apwiya enallota ni athwiiwa a o Babiloni wi, “Nyu muvulluwalle o nsupada na Babiloni, muvenyevo, muhiselliwe! Muwuupuwelle Apwiya ni Yerusalemu naari murekamenlle ni owaninyu.

Numeri 24:9

Israele ahiitta akonaatthi vatthi wonanko mukango, waamullopwana apaalle waamutthiyana. Ethiyo anaamuvenyihe ttaani? Oodala tti muthu oyo anuudalise ootembeleliwa tti muthu oyo anuutembelele.”

1 Yohane 3:14

Ninnadduwella wi noohiyana ni okhwa nave noophiya mu okumi kaambiiwa ninnaakonda asinnihu ni arokorihu. Ayo ehinakondana aakhallave vatthi va masiva a okhwa.

Aefeso 4:3

Mweeseeseke osunga omoddoolla oyo onavahiwa ni Munepa oyeella mwamurendelle oyo waattaniha vamodda.

Yohane 17:21

Attiitthaaka, kinavekella wi attheene ekhalle amodda. Wonanko nyuwaano, munakhalla ni miyaano ni miyaano kinakhalla mwa nyuwaano, alliwattho ekhalle mwa hiyaano wi athu ellapo yavatthi yaakhulupilila wi mwaakiruma.

2 Atesalonika 3:16

Ninaaveka Apwiya amurendelle yuuvaheni murendellooyo enthawi ddittheddene ni mutthemwene. Apwiya ekhalle ni nyuwaano attheene.

1 Samuele 12:23

Komattho miyaano nginapaalla waachimwella Apwiya voohiyani wuuvekellani nyuwaano, kineerewuuhuddihani nnddo ddiri ddaphaama ni ddawoona wi muddeereke.

Nehemiya 11:1

Vano oohoollella yakhalla mu Yerusalemu nave athu amodda yahoombesa wi emutthoolle muthu mmodda mwa athu khumi wi akhalleke mu muzinda woopatuleya, Yerusalemu nave athu atthanu ni asese oohallaalle ekhallekeve m'mizi.

Nehemiya 11:2

Nave athu yahaathokoza athu attheene ayo yiivelleelle mwa opaalla wiwa wi yakhalleke mu Yerusalemu.

Estere 4:8

Mordekai aamwinnyattho kalata oolamulo oovenyera o Susa ootthopoolla wi Ayuda attheene yoonongiwe. Aaveka wi Estere amoonihere kalatooyo ni omutthopoollella nave amulleelle wi aye wa mwene amuveke moomukhupanyella wi aweerelle echifundo Ayuda.

Yesaya 62:7

Muhihiye wuupusa ophiyera emmakillettho Yerusalemu ni otthattusa muzinda oyo onaatthamalliwe ni ellapo yavatthi.

Yesaya 66:10

Hakallallani ni Yerusalemu, muthapelle ekaamba ya olliye, nyu attheene ookonda muzindoolla. Nyu attheene muninllella muzindoolla, hakallallani ni olliye moothapella.