Masalimo 121:5 - Mawu a Mulluku

⁵ Apwiya sika awuutetezaawo, Apwiya sika muuthuuchaawo wa o nnattanatta nawo.

Masalimo 121:5 ပူးပေါင်းရင်းမြစ်များ

Yesaya 25:4

Nyu tti voothawella va oohoowa, mpanda wa athu oorama va enthawi ya ddoohoosa. Muri wonanko vawiipitthellavo namondwe, wonanko muuthuuchi wawiithuuwellavo nndduwa. Eekuku eri wonanko namondwe awoopa vasirini,

Masalimo 91:1

Muthu ookhalla mu mpanda wa Amasiva Mattheene, oyo anakhalla m'muuthuuchinaaya,

Masalimo 16:8

Erive enthawi kinnaahiya vamurimani Apwiya, vawi eri onnattanatta waka, sika khaavo oyo anaakitikhe.

Eksodo 13:21

Enthawi yootthaana Apwiya yaanaahoollella ni opoto amurapo nave enthawi ya mahiiyu, yaanaahoollella ni opoto amunllo, waamolleella ettilla wi yeeteke otthaana ni mahiiyu.

Masalimo 109:31

Apwiya enniimella onnattanatta na muthu oopaneya, omuvullusa wa athu ookamulla wi wiiphiwe.

Yesaya 32:2

Arive muthu mwa alliwa anaakhalle wonanko voothawellavo ephevo apaalle nipuro noomwiipitthellavo namondwe. Enaakhalle wonanko mihinje ddaweeta mu ellapo yawumma apaalle muuthuuchi wa nlluku nuullupalli mu echipululu.

Mateyu 23:37

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle!