Masalimo 120:4 - Mawu a Mulluku

⁴ Muneerohoosiwa ni mipaamba ddootthokowa dda muthu akhoto ni mankhalla amunllo.

Masalimo 120:4 ပူးပေါင်းရင်းမြစ်များ

Miyambo 19:9

Mboni awoottha khalephela ollakiwa nave a nllumi nawiisha khavulluwa.

Miyambo 18:21

Nllumi nookhalla ni masiva a okhwa ni okumi, oonikonda annacha ezipaso ddiwa.

Miyambo 19:5

Mboni awoottha khalephela ollakiwa nave a nllumi nawiisha khavulluwa.

Miyambo 16:27

Muthu oohikhalla ni mutteko annakhozekella weera ddoonanara nave mawaaye tti wonanko munllo wooshellelliha.

Masalimo 45:5

Mipaamba ddanyu ddawiisha ddinnahoma mirima dda adanaanyu, mitundu ddimodda dda athu ddinnagonja vamiitthoni vanyu.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Miyambo 12:22

Eyano yawoottha ennaananara Apwiya koma oororomelleya ennaahakallalliha.

Miyambo 11:18

Muthu oonanara annallivelliwa ddoolleka koma oomidda echilungamo annathuviwa.

Miyambo 11:12

Owaayeviha akhwaaye annarama ezeru koma awiiwesesa annamaalleya.

Miyambo 11:9

Muthu oohimoova Mulluku annawoononga akhwaaye ni vayanoni vaye koma odduwella onnamvullusa oolungama.

Masalimo 59:7

Ayo eri nko, ennatokollolla wunchichi, ennakhuwa mweepewe, kaambiiwa m'murimani mwiwa ennallota wi, “Ttaani ananiiwa.”

Masalimo 57:4

Kinakhalla variyari va athu oowalli ayo enakhalla wonanko mikango. Miinwiiwa tti wonanko mavaka ni mipaamba, nllumi niwa niri wonanko nsupada nawiisha.

Masalimo 52:5

Koma Mulluku aneerewuunyenya wa enthawi yoohimalla, aneerowuuphara ni wuukhumihella otte wa enyumbaawo, aneerewuutulla mu ellapo ya athu ookumi.

Masalimo 7:13

Aneeroddikhoza ezida ddaye ddawoopiha, aneerokusa mipaamba ddamunllo omuurani waye.

Miyambo 18:8

Mawu a nawunawu tti wonanko ddoocha ddooddiva, ddookitthella m'mirimani.

Yeremiya 9:7

Ekaamba ya ddenndda Apwiya Amasiva Mattheene enallota wi, ‘Wonanko mukoko, kineeroweeka athwaaka. Alliwa tti oochimwa, kinaawore mwawiidde waahiyerera?