Masalimo 12:7 - Mawu a Mulluku

⁷ Apwiya niseereni, nikhupaarelleni wa athu yaalla wa enthawi yoohimalla.

Masalimo 12:7 ပူးပေါင်းရင်းမြစ်များ

1 Samuele 2:9

Ennateteza okumi wa athu owaaroromella alliwa koma athu oonanara eneerewaakhurumusa mwiipiphini vawi khaavo muthu anaapambane ni masivaaye.

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.

Masalimo 145:20

Apwiya ennaateteza attheene owaakonda koma oonanara attheene eneerowoononga.

Masalimo 121:8

Apwiya eneerewuupwatha vookhumani ni voovollowani waambeella ollello wa enthawi yoohimalla.

Masalimo 37:40

Apwiya ennaakavihera ni waavullusa, ennaavenyiha m'mattani mwa oonanara, vawi athwaayo aathawella wa alliwa.

Mateyu 3:7

Vano Yohane awoonilleeye athu anchichi a mulloko wa Afarisi* ni wa Asaduki* ewaaka wi alliwattho ebatiziwe, ahallotella wi, “Nyu enowa! Ttaani uulleelleni wi muthawe ollaka wa Mulluku onawanko?

Yesaya 27:3

“Mi Apwiya sika mulonda a emateeyo, enthawi ddittheddene kinnayihellella. Kinnayiwehera otthaana ni mahiiyu wi ahikhallevo ooyoononga.

Masalimo 37:28

Apwiya ennakonda echilungamo, kheyaahiya athwiiwa oororomelleya, eneerewaasunga wa enthawi yoohimalla, koma eneerowoonga athu oonanara.

Masalimo 16:1

Nyu Mulluku, kitetezeni, vawi tti woothawella waka.

Masalimo 10:18

Sika munnaateteza oohoosiwa ni akhwaadduni, wi athu a va ellapo yavatthi ehiwoopopihettho.

Deuteronomo 33:3

Apwiya ennaakonda athwiiwa oopatuleyiiwa attheene eri m'mattani mwiwa. Athwaayo ekeraatthille vatthi, enahuddera mawiiwa,

Yuda 1:1

Ovenyera wa miyaano Yuda, oorumeyella a Yesu Khrisitu ni mwanamunne a Yakobo. Kinuulembellani nyuwaano mwiithaniwe nave munakondiwa ni Mulluku Attiitthaanyu ni oteteziwa ni Yesu Khrisitu.

Masalimo 18:31

Khaavo Mulluku mmodda koma Apwiyave, khaniivo nlluku nimodda noothawellavo koma Mullukwaahuve.

Masalimo 19:9

Owoova Apwiya tti waphaama, khonamalla. Echiweruzo ya Apwiya tti yawoona wunchichi, tti yoolungama erive enthawi.

Masalimo 119:140

Mawaanyu tti oosimikizeya, mi oorumeyellaanyu kinnaakonda.