Masalimo 119:4 - Mawu a Mulluku

⁴ Moovelleella malamulwaanyu, moolamula wi ethwariwe moororomelleya.

Masalimo 119:4 ပူးပေါင်းရင်းမြစ်များ

1 Yohane 5:3

Vawi omukonda Mulluku onattaphullella wiiwellella malamulwaaye. Nave malamulwaaye khehiyo ookatamiha,

Yohane 14:21

“Ayo enaakhullella malamulwaaka ni waathwara, sika enakikonda miyaano. Attiitthaaka eneerewaakonda ayo enakikonda miyaano. Nameenettho kineerewaakonda yaayo ni odduupullulla meekhaaka wa alliwaayo.”

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Yeremiya 7:23

Koma kaalamunle ello emodda wi, ‘Mwakiiwellella miyaano kineerokhalla Mullukwaanyu nave nyuwaano muneerokhalla athwaaka. Mwiiwellelleke malamulwaaka mattheene wi ddeko ddiweetellekeni phaama.’

Yohane 14:15

“Mwaakikondaka miyaano muneerothwara malamulwaaka.

Deuteronomo 12:32

Moonesese wi mweere ddittheddene kinuulamuleemininndda nave muhoonjererevo apaalle ovukullavo ello.”

Yoswa 1:7

Komathi khalla amasiva ni oollipa murima wunchichi. Ochenjere wi wiiwellelleke malamulo mattheene ayo Mose oorumeyellaaka uulleelleeye. Oohirukunuwella onnattanatta apaalle wuunyotthoni wi orive weko onaayeekeewe ddiweetelleke phaama.

Deuteronomo 30:16

Mwiiwellellaka malamulo a Apwiya Mullukwaanyu kinawinnyeemini ollello, mwaawaakondaka Apwiya Mullukwaanyu ni weeta mu ettilla ddiwa nave mwasunga malangizwiiwa ni mawiiwa mattheene, ddeko ddineerekoweetellani phaama nave muneerokhalla mutundu wa athu awaata nave Apwiya Mullukwaanyu eneerewuudalisani mwiillaponi munaawaakheenyweeyo.

Deuteronomo 11:22

“Muchenjere wi mweereke ddittheddene malamulo mattheene kiwinnyalleemini wi mwaakondeke Apwiya Mullukwaanyu, weeta mu ettilla ddiwa ddittheddene ni owummellella alliwa.

Deuteronomo 6:17

Musungeke phaama malamulo ni malangizo mattheene yuulamulalleewanini.

Deuteronomo 4:1

“Vano nyu Aisraele mwiiwellelleke malamulo ni malangizo mattheene kinuuhuddiheemini wi mukhalle ni okumi. Nave muneerovollowa ni waakha ellapo eyo Apwiya Mulluku a makhollwaahu enuuvaheewani.

Deuteronomo 11:13

“Sika vano mwiiwellelleke malamulo kiwinnyalleemini ollellova wi mwaakondeke Apwiya Mullukwaanyu ni waarumeyella ni okumaanyu muttheene.

Deuteronomo 4:9

Sika muchenjere! Mooneseseke wi muhitiwalleke ddenndda mu okumaanyu muttheene nave mwaahuddihe ddenndda aniinyu ni edduullu ddanyu.

Eksodo 7:6

Nave Mose ni Aroni yaheera nnddo Apwiya yaalamulalliiwa.

Deuteronomo 6:3

Vano nyu Aisraele, apellani maaru nave muchenjere ni wiiwellella ddawoona, malamulwaalla. Sika ddeko ddineeroweetellani phaama nave muneerokhalla mutundu muullupalli ni okhalla mu ellapo ya mukaka ni enwi moollikana ni mmo Apwiya Mulluku a makhollwaanyu yuulonjezelleewani.

Ezara 7:21

“Vano miyaano mwene Aritakisereksesi kohaalamula oosunga eyuuma attheene a mu echigawo ya vakhopella va muhinje wi ddittheddene nnddo Ezara mullupa mukutho, muhuddihi eeruso a malamulo a Mulluku ooddullu anaavekeeye wa nyuwaano ddeereye moororomelleya.

Ezekiele 20:19

Kaallota wi, ‘Mi tti Apwiya Mullukwaanyu, muthwareke malamulwaaka ni wiiwellella malangizwaaka.