Masalimo 119:34 - Mawu a Mulluku

³⁴ Kivaheni ezeru wi kisungeke malamulwaanyu, kaathwareke ni murimaaka muttheene.

Masalimo 119:34 ပူးပေါင်းရင်းမြစ်များ

Mateyu 7:24

“Vano arive muthu oyo aniiwa ni weera mawaaka anaphwanaphwana ni muthu eezeru oyo aamakille enyumbaaye vanllukuni.

Yakobo 1:5

Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.

Masalimo 119:73

Mattaanyu yaakipanga nave yaakoopa, kivaheni wiiwesesa wi kihuddereke malamulwaanyu.

Yakobo 1:25

Nave oyo anaakhella malamulo aphaama wunchichaalla, oovaha ottaphuwa, aawaathwaraka, aahikhalla awiiwa ni ootiwalla nave aweerana mutteko aneerodalisiwa mu ddaweera ddiwa.

Yohane 7:17

Arive muthu anapaalla weera opaalla wa Mulluku aneerodduwella wi ehuddihwaaka enavenyera wa Mulluku apaalle wi kinallota ddoovenyera m'muruni mwaka.

Masalimo 119:69

Athu awiitukhulla yaakootthera, koma kinnathwara malamulwaanyu ni murimaaka muttheene.

Masalimo 119:58

Kinnuuvekani ni murimaaka muttheene, mukeerelle echifundo moollikana ni mawaanyu.

Masalimo 119:10

Kinnawaashaashani ni murimaaka muttheene, muhaakhullelle wi kihollowe ohiya malamulwaanyu.

Mateyu 5:19

Vano oyo ahiniiwellella nimodda na malamulo yaalla naari lamulo ning'onong'ono navettho anaahuddiha athu amodda wi ehiiwellelleke, yooyo aneerokhalla mung'onong'ono mu omwene wa Mulluku. Koma oyo aniiwellella malamulwaalla navettho anaahuddiha athu amodda wi yiiwellelleke, aneerokhalla muullupalli mu omwene wa Mulluku.

Masalimo 111:10

Owoova Apwiya tti waamba wa ezeru, oothwara malamulwiiwa annakhalla ni odduwella. Apwiya tti ootitimiheya wa enthawi yoohimalla.

Yobu 28:28

“Sika aamulleella muthu wi, ‘Owoova Apwiya sika ezeru, othawa ddoonanara sika odduwella.’ ”

Yakobo 4:11

Asinnaka na arokoraka, muhillotellaneke ddoonanara. Oyo anallota ddoonanara dda ookhulupilila mukhwaaye apaalle omweeruza, anallotella ddoonanara moovaanyana ni malamulo komattho anaweeruza malamulo. Nave waweeruza malamulo, khorittho aweera malamulo koma aweeruza.

Deuteronomo 4:6

Mwaasungeke ni waathwara nave ella eneerowooniha athu a mitundu ddimodda wi nyuwaano tti athu eezeru ni owiiwesesa phaama ddeko.

1 Epilli 22:12

Nave Apwiya yuuvahe odduwella ni ezeru wi yuuvaha olamulello va Israele wi osunge malamulo a Apwiya Mullukwaawo.

Masalimo 39:2

Sika kaakhurumuwa woohillota ello, kaamaalleya woohillota naari yaphaama, koma ddookatamiha ddaavirellellave waata.

Masalimo 119:2

Oodala tti ayo enasunga malamulo a Apwiya, ayo enawaashaasha ni murimiiwa muttheene,

Masalimo 119:66

Kivaheni ezeru ni wiiwesesa kaambiiwa kinnakhulupilila malamulwaanyu.

Masalimo 119:100

Kookhalla ni ezeru waakhwaranya attekweene vawi kinnathwara malamulwaanyu.

Masalimo 119:104

Kinnaphwanya ezeru ekaamba ya malamulwaanyu sika kinniitana ni erive ettilla yoolleka.

Masalimo 119:125

Mi tti oorumeyellaanyu mukivahe wiiwesesa wi kidduwelleke malamulwaanyu.

Masalimo 119:130

Otthopoollella mawaanyu onakhalla wonanko owala, onnavaha ezeru wa athu oohikhalla ni ezeru.

Masalimo 119:144

Malamulwaanyu tti oolungama wa enthawi yoohimalla, kivaheni ddawiiwesesa wi kikhalle ni okumi.

Masalimo 119:169

Apwiya winlla waka wiiweye wa nyuwaano, mukivahe wiiwesesa moollikana ni mawaanyu.