Masalimo 119:130 - Mawu a Mulluku

¹³⁰ Otthopoollella mawaanyu onakhalla wonanko owala, onnavaha ezeru wa athu oohikhalla ni ezeru.

Masalimo 119:130 ပူးပေါင်းရင်းမြစ်များ

Masalimo 119:105

Mawaanyu tti enyali ya omanyalloni waka, ennamolleella ettillaaka.

Miyambo 6:23

Vawi malamulo tti enyali, malangizo tti owala nave ohumullulla tti ettilla yookumi.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Masalimo 19:7

Malangizo a Apwiya tti aphaama wunchichi, ennahihimulla okumi. Omboni wa Apwiya tti woororomelleya, onnaavaha ezeru ayo ehinna.

2 Petro 1:19

Sika ekaamba ya yeella ninnasimikiza wi othenga woollalleyiwa ni anamallotella tti wawoona. Mwathwara yoolla muneereweera phaama kaambiiwa tti wonanko enyali yoomolleella mu nipuro na epiphi ophiyera ohinase etheneeri ya thanda yawala m'mirimani mwanyu.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

Yesaya 8:20

wi yaakhellewo mawu oophara murima ni malangizo? Alliwa yaahillota moollikana ni mawu alla, ddawoona khewaasella.”

Miyambo 1:4

Ddinnamweeriha muthu eenamwani okhalla oochenjera nave ddinnamuhuddiha musombwe odduwella ni oganiza phaama.

Masalimo 19:8

Ehuddiho ya Apwiya tti yawoona, ennahakallalliha murima. Malamulo a Apwiya tti aweella, ennaahulla athu miittho.

Masalimo 119:34

Kivaheni ezeru wi kisungeke malamulwaanyu, kaathwareke ni murimaaka muttheene.