Masalimo 119:1 - Mawu a Mulluku

¹ Oodala tti ayo meetellwiiwa ehinna yoochimwa, ayo eneeta moothwara malamulo a Apwiya.

Masalimo 119:1 ပူးပေါင်းရင်းမြစ်များ

Luka 11:28

Koma Yesu aallota wi, “Oodalisiwa tti ayo eniiwa mawu a Mulluku ewiiwellella!”

Ezekiele 11:20

Vano eneerothwara malamulwaaka, eneerosunga ni wiiwellella malangizwaaka. Sika eneerokhalla athwaaka nave kineerokhalla Mullukwiiwa.

Yakobo 1:25

Nave oyo anaakhella malamulo aphaama wunchichaalla, oovaha ottaphuwa, aawaathwaraka, aahikhalla awiiwa ni ootiwalla nave aweerana mutteko aneerodalisiwa mu ddaweera ddiwa.

Masalimo 128:1

Oodalisiwa tti arive muthu oyo anawoova Apwiya, oyo aneeta mu ettilla ddiwa.

Yohane 13:17

Vano vawi moodduwella ddawoonanndda, nyuwaano tti oodalisiwa mwaweraka ddenndda!

Luka 1:6

Eellaalla yaari oolungama vamiitthoni va Mulluku nave yahiiwellella phaama malamulo ni ddoolamulella dda Apwiya.

Masalimo 112:1

Aleluya! Oodalisiwa tti muthu oyo anawoova Apwiya, ookonda osunga malamulwiiwa.

Miyambo 11:20

Athu ookhoromana murima enniitana ni Apwiya koma ooreera murima mu ettilla ddiwa ennaahakallalliha Apwiya.

Mitteko 24:16

Nave sika kinnallipihella mallapo mattheene okhalla muthu oohikhalla ni mullatu vamiitthoni va Mulluku ni athu.

Masalimo 101:2

Kineerothwara mweezeru ettilla yaphaama. Vano munaakiweelle niini? Kineereweeta mu enyumbaaka ni murima waphaama,

Hoseya 14:9

“Oyo aniiwesese addisunge. Vawi ettilla dda Apwiya tti ddoolungama nave oolungama enneetamo koma oochimwa ennakwakwatuwamo.”

Yawuupullulla 22:14

Oodalisiwa tti ayo enachapa ddoowara ddiwa mwaweelliha wi yaakhullelliwe ovollowa va millako dda m'muzindani ni ocha ezipaso dda muteekho wa okumi.

Masalimo 101:6

Miitthwaaka enaakhalle va oororomelleya a mwiillaponi wi ekhalle ni miyaano. Aweeta mu ettilla yaphaama eneerokirumeyella.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Yohane 1:47

Yesu amoonilleeye Natanaele awaaka wa olliye, aallota dda olliyooyo wi, “Olla sika mu Israele awoona, mwa olliyooyo khamuri woottha.”

Yobu 1:8

Apwiya yaamukohattho Satana wi, “Ethiyo woomoonesesa oorumeyellaaka Yobu? Khaavo mmodda wonanko olliyooyo veellaponi yavatthi. Olliye tti oohichimwa, oolungama, ooheera ddoonanara ni oomoova Mulluku.”

Yobu 1:1

Vaakhalla muthu mmodda mu ellapo ya Uzi nnddina naye Yobu. Muthoolla aari oohichimwa, oolungama, ooheera ddoonanara ni oomoova Mulluku.

2 Mamwene 20:3

“Nyu Apwiya, upuwellani wi kaanuurumeyellani moororomelleya ni mwawiivelleella nave kaaneera ddawuuddivellani.” Eerille ddiiddo ahaamba winlla moovoreyiwa murima.

Miyambo 13:6

Echilungamo ennamuteteza muthu aphaama koma nichimo ninnammoriha oonanara.

2 Samuele 22:22

Miyaano kaathwara ettilla dda Apwiya, ngaachimwalle voomuhiyani Mullukwaaka.

Miyambo 29:18

Nko ohiri ollotella athu khenookollelleya koma oodaliseya tti oyo anasunga malamulo.