Masalimo 118:27 - Mawu a Mulluku

²⁷ Apwiya sika Mulluku, oonivaha owala. Ambani olendo wa ehakallallo, mukusalle enthambi m'mattani mwanyu ophiyera muphiyalle o nikuwa na mukutho.

Masalimo 118:27 ပူးပေါင်းရင်းမြစ်များ

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

Masalimo 18:28

Nyu Apwiya, munnakhariha enyalaaka, Mullukwaaka, munnakimolleella mwiipiphini.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Yesaya 60:1

Venya, wala vawi omolleella wawo woophiya, ntitimiho na Apwiya nohuuwalella!

Yesaya 9:2

Athu ayo yeeta mwiipiphini ahoona owala wunchichi. Ayo yakhalla mu epiphi yawoopiha owala wohaaphiyera.

Estere 8:16

Vano Ayuda yaari oohakallalla ni oottaphuwa nave athu yaanaavaha olemu.

Masalimo 37:6

Eneerewoonihella vaweella ohilakwa wawo, echilungamwaawo oneerowala wonanko otthaana.

1 Mamwene 18:39

Vano athu attheene yoonille ddennddo yaamoriha ekhove ddiwa vatthi ellota mookhuwa wi, “Apwiya sika Mulluku! Apwiya sika Mulluku!”

Malaki 4:2

Koma nyu awoova nnddina naka, nndduwa na echilungamo nineerewuukhumellani ni owaana ochiriha m'muuphello mwiwa. Muneerolluphallupha moohakallalla wonanko asaanaang'ombe ekhumihiwe munikhollani.

1 Mamwene 18:21

Eliya ahaatamella vakhuviru ni athu attheenaayo aakoha wi, “Ethiyo munaakayikeke ophiyera niini? Apwiya yaarimi eri Mulluku, athwareni. Koma Baala aarimi ari Mulluku, muthwareni olliye.” Athwaayo kheyaamwaakhunlle naari vang'ono.

Eksodo 38:2

Aapanga manyaka va makoniiwa masesaayo, oopangiwa ni ntabwa nimoddave nenno nave aanihuruwella ni mukuwa.

Eksodo 27:2

Opange manyaka va makoniiwa masesaayo, oopangiwa ni ntabwa nimoddave nenno nave onihuruwelle ni mukuwa.

Aheberi 13:15

Sika ekaamba ya yeella mukuthwaahu okhalle omuthokoza Mulluku oohimalla oweella mwa Yesu. Nallota wi, “Mulluku tti Apwiya” nooheraatthi mukutho.

1 Epilli 29:21

Osaka wene yaavelleella mikutho ddooshellelliha wa Apwiya, anankhoro eeng'ombe 1,000, anankhoro eenkhosa 1,000 asaanaankhosa 1,000 ni mikutho dda ddoowirya opwesereravo mikutho ddimodda ddawaata munipuroni mwa Aisraele attheene.

Mika 7:9

Kinaphwanella ovillella owalli wa Apwiya kaambiiwa kahaachimwella ophiyera yiiwalle mullatwaaka ni owukamulla. Koma vatulli viwa eneerokivollochiha mu owala nave kineerewoona ovullusa wiwa.