Masalimo 118:15 - Mawu a Mulluku

¹⁵ Iwani machipo oohakallalla m'misasani dda athu oolungama awi, “Nnattanatta na Apwiya ninnagonjiha mwamasiva,

Masalimo 118:15 ပူးပေါင်းရင်းမြစ်များ

Masalimo 89:13

Nyuwaano mookhalla ni muwono wamasiva, nnatta nanyu tti na ekophollo, nnattanatta nanyu tti noopambana.

Masalimo 60:12

Mulluku akhalla ni hiyaano nineerowana ekhoto moollipa murima vawi tti olliye anaawaanyingallelle adanaahu.”

Eksodo 15:6

Nyu Apwiya, nnattanatta nanyu tti nootitimiheya, ekaamba ya masiviiwa, Apwiya, nnattanatta nanyu ninnaanyenya adani.

Luka 1:51

Oheera ddeko ddamasiva ni muwonwaaye, nave ohaapallallesa athu awiitukhulla m'murimani mwiwa.

Masalimo 98:1

Wiipelleni Apwiya nchipo nanaanweene, vawi aheera ddoottikhiniha. Nnattanatta niwa nohaapambaniha muwonwiiwa waweella wohaavullusa.

Yawuupullulla 18:20

Hakallallani ooddullu nyu! Hakallallani athu a Mulluku ni amurummwa owaaka anamallotella nyu! Vawi Mulluku oomullaka va nnddo eerilleeye wa nyuwaano!

Mitteko 16:34

Vano ahaakusa Paulo ni Sila ayaana owaniwa aavaha yoocha. Nave olliye ni nibanja naye yaahakallalla ni murimiiwa muttheene kaambiiwa yaamukhulupilila Mulluku.

Yesaya 65:13

Sika Apwiya Mulluku enallota wi, ‘Ngoonani, oorumeyellaaka eneerocha koma nyuwaano muneerokhalla ni ettalla. Oorumeyellaaka eneerowirya koma nyuwaano muneerovolliwa nthona. Oorumeyellaaka eneerohakallalla koma nyuwaano muneerowulliwa muru.

Masalimo 119:111

Malamulwaanyu tti yoohallanaaka yoohimalla, ddawoona, enahakallalliha murimaaka.

Masalimo 68:3

Koma nyu Mulluku athwaanyu ennahakallalla, ennathapella vamiitthoni vanyu, ddawoona, ennattheya moohakallalla.

Masalimo 44:3

Alliwa kheyaawakhille ellapo voopharihani mutteko nsupada niwa, kheyaapambanille vakhotoni ekaamba ya masiviiwa. Koma yaagonjiha ekaamba ya masivaanyu, ekaamba ya owala wa ekhovaanyu vawi mwaahakallallana.

Masalimo 32:11

Nyu athu oolungama, hakallallani ni othapella mwa Apwiya, nyu athu ooreera murima, khuwani moohakallalla.”

Masalimo 45:4

Oneyani mu oriiheya wanyu, muteteze yawoona, wiiyeviha ni echilungamo, nnatta nanyu noonihe mitteko ddanyu ddawoopiha.

Deuteronomo 12:12

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo enakhalla variyari vanyu vawi khenna yoohallaniiwa.

Masalimo 119:54

Malamulwaanyu aatthattuwa echipwaaka orive weko kinayeemi.

Masalimo 5:12

Nyu Apwiya munnaadalisa athu oolungama, oreera murima wanyu onakhalla wonanko yawaateteza.

Masalimo 111:2

Mitteko dda Apwiya tti dduullupalli, attheene oohakallallana ennaddiganizera.