Masalimo 117:2 - Mawu a Mulluku

² Vawi echikondiiwa wa hiyaano tti yoohisintheya, ororomelleya wa Apwiya tti wa enthawi yoohimalla. Aleluya!

Masalimo 117:2 ပူးပေါင်းရင်းမြစ်များ

Yesaya 25:1

Nyu Apwiya, nyuwaano sika Mullukwaaka, kineerewuuvahani olemu ni otitimiha nnddina nanyu. Moheera ddeko ddoottikhiniha, mookeraatthiha moororomelleya mwasimikizalleenyu khalle.

Masalimo 103:11

Mmo oddullu orekamellaniiwa ni ellapo yavatthi, tti mmo yunnuwelle echikondiiwa yoohisintheya wa oowoova.

Masalimo 89:1

Nyu Apwiya, kineerewiipa moohimaalliha nchipo nootitimiha echikondaanyu yoohisintheya. Kineerollalleya ni vayanoni vaka dda ororomelleya wanyu o mibado ddittheddene.

1 Yohane 5:6

Yesu Khrisitu sika aawiille ni maaddi a obatizwaaye ni nikhame na okhwa waye. Khaawiille ni maaddive koma ni maaddi ni nikhame. Nave Munepa Waweella yeekhaaye annavelleella omboni wi nndda tti ddawoona kaambiiwa Munepooyo tti awoona.

Masalimo 85:10

Echikondi yoohisintheya ni ororomelleya ddineerokumana, echilungamo ni murendelle ddineerokhupaarellana.

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Mika 7:20

Muneerewooniha ororomelleya wanyu va Yakobo ni echikondaanyu yoohisintheya va Abrahamu monga mwallupenlleenyu khalle wa makhollwaahu.

Masalimo 146:6

oophatusa oddullu ni ellapo yavatthi, enyanja ni ddittheddene ddiri mwemmo. Ennasunga malonjezwiiwa enthawi ettheene,