Masalimo 116:7 - Mawu a Mulluku

⁷ We murimaaka, hokollweella onipuroni nawo nawiithuuwellawo, kaambiiwa Apwiya aaweerella ddaphaama.

Masalimo 116:7 ပူးပေါင်းရင်းမြစ်များ

Masalimo 13:6

Kineerowiipellani Apwiya vawi mookeerella ddaphaama.

Yeremiya 30:10

“We Yakobo, murummwaaka, ohoove. We Israele, ohitathille murima. Mi Apwiya koollota. Vawi Kineerewuuvullusani ovenyera o ellapo yawoorekama. Kineeroddoopollattho edduullu ddanyu ovenyera o ellapo dda wuukaporoni. Attheenenyu muneerohokollowattho, muneerokhalla ni murendelle oohikhallavo oowoopopihani.

Yeremiya 6:16

Apwiya yaallota ni athwiiwa wi, “Imellani va makhullukano nave wehani. Mukohe nko ori ettilla ddakhalle nave nko ori ettilla yaphaama. Vano muhitathille ettilla yaphaameeyo wi mukhalle ni murendelle.” Koma mwaallota wi, “Khaniwa nithwara!”

Masalimo 119:17

Keerelleni echifundo mi oorumeyellaanyu wi kikhalle ni okumi ni osunga malamulwaanyu.

Masalimo 95:11

Sika kishille murima kaallupella wi, “Khewa evollowa mu nipuro naka nawiithuuwellamo.”

Hoseya 2:7

Aneerothamakella ezibwenzi ddaye koma khaddiphwanya. Vano aneerollota wi, ‘Kihokollweelle wa mamunaka vawi khalle kaanakhalla phaama ohiyana ni muttano.’