Masalimo 116:1 - Mawu a Mulluku

¹ Kinnaakonda Apwiya ekaamba yawi enniiwa mawaaka kaavekellaka.

Masalimo 116:1 ပူးပေါင်းရင်းမြစ်များ

1 Yohane 4:19

Ninnakonda kaambiiwa Mulluku aari awaamba onikonda.

Yohane 16:24

Ophiyera vano khamuvekille erive ello mu nnddina naka, sika vano vekani nave muneerewaakhella wi muhakallalle murimaanyu muttheene.

Mariko 12:33

Nave onapaalleya wi omukondeke Mulluku ni murimaawo muttheene ni maganizwaawo mattheene ni masivaawo mattheene navettho omukondeke mukhwaawo wonanko mmo oniikondelleewe weekha. Malamulo meellaalla tti oopaalleya ohiyana ni oheraatthi mukutho wooshellelliha wa Mulluku.”

Masalimo 69:33

Valle Apwiya ennawiiwa athu oohoowa, khenaavevulla athwiiwa oomakiwa ni onyolo.

Masalimo 40:1

Kahaatiyerella Apwiya ni murimaaka muttheene wi ekikavihere, yaawaramella vatthi ekiweha, yiiwa winlla waka.

Masalimo 119:132

Kiwehereni nave mukeerelle echifundo moollikana ni mmo munaweerelleenyu athu awuukondani.

Genesis 35:2

Sika Yakobo ahaalleella a mu nibanja naye nittheene ni athu attheene aariiyena wi, “Tathillani milluku ddeelleto nnddo ddiri variyari vanyu. Muddeellihe nyookhaanyu nave muware ddoowara ddaphaama.

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

1 Samuele 1:26

Hana aallota wi, “Apwiya miyaano tti mutthiyana olle iimenlle vamiitthoni vanyu avekellaka wa Apwiya.

Numeri 21:3

Apwiya yahiiwa mawu a Aisraelaayo nave yahaavelleella Akanani m'mattani mwiwa. Aisraele yaawoononga Akanani ni mizinda ddiwa ddene. Sika nipuronno yaaniromolla wi Horoma.

1 Mamwene 9:3

Vano Apwiya yaamulleella wi, “Kohiiwa nivekello nawo ni okhuwa wawo weerilleewe vamiitthoni vaka. Kooyipatula enyumba oyimakilleeweella nave koohiyamo nnddina naka wi athu ekillapellekemo wa enthawi yoohimalla. Miitthwaaka ni murimaaka ddinaakhalle mwemmo enthawi ddittheddene.

Masalimo 28:6

Apwiya etitimiheye vawi ahiiwa oveka waka.

Yesaya 38:15

Ethiyo vano kinaallote tini? Apwiya aallota ni miyaano, nave alliwa sika yeerille ddenndda. Va okumaaka muttheene kaawerohoowa, ekaamba ya ovoreya wa murimaaka.

Maliro 3:56

Nyuwaano mwahiiwa mawaaka awi, ‘Muhikhoowihe maarwaanyu ephuddeene kaavekellaka miyaano wi mukikavihere.’

Yona 2:3

Mwaakivokhella mu enyanja yoowallamella, muwariwari mwa enyanja, navettho mapimbili a mu enyanja yaakuupa.