Masalimo 115:14 - Mawu a Mulluku

¹⁴ Apwiya yuuruuwiheni nyuwaano ni edduullu ddanyu.

Masalimo 115:14 ပူးပေါင်းရင်းမြစ်များ

Deuteronomo 1:11

Apwiya Mulluku a makhollwaanyu eruuwihe wunchichi echiwerengerwaanyu nave yuudaliseni moollikana ni mmo yalonjezelliiwa.

Mitteko 2:39

Vawi olonjeza wenko tti wa nyuwaano ni wa aniinyu ni athu attheene ayo eri woorekama, attheene ayo Mulluku Apwiihu anaawiithaneeye.”

Mitteko 3:25

Nyuwaano muri edduullu dda anamallotella nave munnakawanana dda echipangano eyo Mulluku eerilleeye ni makhollwaanyu, allotilleeye wa Abrahamu wi, ‘Mwa edduullu ddawo athu attheene a va ellapo yavatthi eneerodalisiwa.’

Genesis 17:7

Nave kineerokeraatthiha echipangano variyari va miyaano ni weyaano ni edduullu ddawo muhoollommo nave echipanganweella enaakhalle yoohimalla. Sika miyaano kinaakhalle Mullukwaawo ni Mulluku a edduullu ddawo.

Yeremiya 33:22

Kineeroddiruuwiha edduullu dda oorumeyellaaka Davide ni oorumeyellaaka allupa mukutho Aalevi nave enaate wonanko etheneeri ddooddullu apaalle muhava wa mukhwipi mwa enyanja.”

2 Samuele 24:3

Koma Yowabu aamulleella wi, “Apwiya Mullukwaanyu ewaatihe athwiiwa makhumi khumi okhwaranya eriiwammu. Nave yaakhullelle wi nyu apwiyaaka moone ddennddo. Koma kaambiiwa tini, nyu apwiyaaka, munapaalleenyu ello yeella?”

Genesis 13:16

Kineerewuuvaha edduullu ddinchichi nave khaavo naari mmodda anaawore oddeerenga. Yooyove anawora weerenga nthupi na va ellapo yavatthi sika anaawore.”

Yawuupullulla 7:9

Ddimallille ddenndda kahoona masomphenya a mulloko muullupalli wa athu ooheerengeya! Yavenyenre mu orive mutundu, nirive nlloko, erive ellapo ni erive ellotello nave yahiimella vamiitthoni va mpando woomwene ni mwaanaankhosa, ewanre ddoowara ddaweella nave ephareelle enthambi dda kanjeza m'mattani mwiwa.

Yawuupullulla 7:4

Nave kaalleelliwa wi athu yadindiwe ni echidindo ya Mulluku va eyuuchi ddiwa yakwakhwanne 144,000 oovenyera o malloko khumi ni miilli dda Israele,

Yeremiya 30:19

Athu eneerewiipa machipo owaatitimiha, vineerewiiweya okhuwa woohakallalla. Kineerowaatiha, khekhallattho aweerengeya, kineerewaavaha eyuuma, khenyaambusiwa.

Zekariya 10:8

“Kineerewiipa mutturu wi athwaaka etthukumane vamodda. Kineerowoopolla nave eneerewaata wonanko mmo yakhallelliiwa khalle.

Hoseya 1:10

Aisraele eneerewaata wonanko mihava dda mu enyanja nnddo ohinaaworeewe owulinga ni oweerenga. Vano vanipuroni mvo yalleelliwiiwa wi, “Nyu khe athwaaka,” vaavottho aneerewaaromolla wi, “Anamwani a Mulluku Ookumi”

Yesaya 27:6

Mallapo enawaayo Yakobo aneerotthipella misisi, Israele aneerophuwa ni ottaphulla malluwa. Ellapo ettheene yavatthi eneeroddalla ni ezipaso ddaye.

Yesaya 56:8

Apwiya Mulluku ayo enaatthukumaniha Aisraele oopallalleya enallota wi, “Kineerewaatthukumaniha athu amodda woonjerera va ayo yatthukumanille khalle.”