Masalimo 115:12 - Mawu a Mulluku

¹² Apwiya aanuupuwella nave eneeronidalisa, eneerewaadalisa athu a Israele, eneerodalisa nibanja na Aroni.

Masalimo 115:12 ပူးပေါင်းရင်းမြစ်များ

Masalimo 136:23

Yaanuupuwella navevuwalleehu, echikondiiwa yoohisintheya tti ya enthawi yoohimalla.

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

Yesaya 44:21

Apwiya enallota wi, “We Yakobo, upuwella nndda vawi weyaano tti oorumeyellaaka, we Israele. Kahuuphatusa, weyaano tti oorumeyellaaka, we Israele ngiwa kuutiwalla.

Agalatiya 3:29

Mwaarimi muri mwa Khrisitu, sika nyuwaano tti edduullu dda Abrahamu nave muneerewaakhella eyo Mulluku alonjezilleeye.

Masalimo 67:7

Ddawoona, Mulluku oonidalisa! Athu attheene a va ellapo yavatthi emooveke.

Agalatiya 3:14

Khrisitu Yesu aheera ddenndda wi madaliso ayo Mulluku aalonjezilleeye wa Abrahamu evahiwe wa athu a mitundu ddittheddene oweella mwa Khrisitu. Vano wi oweella mwa echikhulupililo naakhelle Munepa waalonjeziwe ni Mulluku.

Masalimo 25:7

Muhinuupuwella machimo a esombwaaka ni ovudduwa waka koma mukeerelle echifundo, nyu Apwiya ekaamba ya echikondaanyu yoohisintheya vawi nyuwaano tti aphaama.

Genesis 8:1

Vano Mulluku aamuupuwella Nowa ni enama ddittheddene ddamuhakani ni eziweto nnddo ddaari ni olliye muchombonimmo. Aalamula ephevo wi yoope va ellapo yavatthi, enthawi yeeyo maaddi yahaamba owelleella.

Mitteko 3:26

Nave Mulluku amutthoonlleeye oorumeyellaaye, aambille omurumiha wa nyuwaano wi uudaliseni vooweerihani attheenenyu wi murukunuwe murima o machimwaanyu.”

Mitteko 10:4

Olliye aamuweha mungeloolle oovaka akoha wi, “Apwiya, tti waphaama?” Mungeloolle ahaakhulla wi, “Mavekellwaawo navettho waakavihera wawo oohoowa ddohaakhullelliwa ni Mulluku wonanko mukutho.

Numeri 6:27

Nave Apwiya yaallota wi, “Yaaromollaka nnddina naka vawaadalisani Aisraele, miyaano kineerewaadalisa.”

Masalimo 135:19

Nyu a munibanjani na Israele, atitimiheni Apwiya! Nyu a munibanjani na Aroni, atitimiheni Apwiya!