Masalimo 113:4 - Mawu a Mulluku

⁴ Apwiya ennaalamulella athu a mitundu ddittheddene, otitimiheya wiwa tti woorekama okhwaranya wa muddullu.

Masalimo 113:4 ပူးပေါင်းရင်းမြစ်များ

Masalimo 8:1

Mulluku, Apwiihu, nnddina nanyu tti noovuwa va ellapo yavatthi. Munnooniha ntitimiho nanyu oddullu.

Masalimo 99:2

Apwiya tti uullupalli o Ziyoni, eri vaddullu va mitundu ddittheddene dda athu.

Masalimo 97:9

Nyu Apwiya Amasiva Mattheene, tti oolamulella ellapo yavatthi ettheene, okhwaranya milluku ddittheddene.

Yesaya 40:17

Mitundu ddittheddene dda athu khe ello vamiitthoni va Apwiya, alliwa enaddeesa ddashisha ni ddoohikhalla ni mutteko.

Masalimo 148:13

Attheenaayo yaatitimihe Apwiya, vawi nnddina niwave nenno tti nooriiheya, ntitimiho niwa tti nookhwaranya vatthimva ni muddullu mwene.

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

Yesaya 40:22

Ellapo yavatthi yaphatusiwe ni olliye, oyo anakhalla va mpandwaaye woomwene oddullu, anawoona athu a vatthimva wonanko middope, anaanddellella mirapo wonanko ekuwo, wonanko musasa wookhallamo.

Yesaya 40:15

Mitundu dda athu ddiri wonanko nidontho na maaddi m'munoni, wonanko nthupi shisha vasikoloni. M'mattani mwa Apwiya ezilumba tti ddoovevuwa wonanko nthupi.

1 Mamwene 8:27

“Ethiyo Mulluku ttuukhalla va ellapo yavatthi? Vawi oddullu khonuukwanellani, ddinaaworeye mwawiidde wi mukhalle mu enyumba kimakilleemeella?