Masalimo 112:9 - Mawu a Mulluku

⁹ Annavelleella moohummella wa athu oohoowa, Echilungamwaaye tti yoohimalla, aneeroriihiwa ni ovahiwa olemu.

Masalimo 112:9 ပူးပေါင်းရင်းမြစ်များ

Masalimo 75:10

Olliye aneerewaakitthiha athu attheene oonanara koma aneerewaawelliha athu oolungama.

Aheberi 13:16

Muhinatiwalla weera dda echifundo ni okawana nnddo muriinyuna vawi mikutho ddenndda ddinnamuhakallalliha Mulluku.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

1 Timoteo 6:18

Waalamulelle wi yeereke ddaphaama, ekhalle ni mitteko ddaphaama ddawaata nave ekhalle ni murima woovaha ni wookonda waakawella amodda.

Aroma 12:13

Muvelleelleke ddeko ddanyu wa ookhulupilila akhwiinyu oohoowa nave muwaakhelleke alleto m'mawaninyu.

Yawuupullulla 22:11

Oyo ari oohilungama avirellelle okhalla oohilungama navettho oyo ari ooripihiwa avirellelle wiiripiha ni ddoonanara, oyo ari oolungama avirellelle okhalla oolungama ni oyo ari aweella wi avirellelle okhalla aweella.”

Mitteko 20:35

Koowoonihellani mwa ddeko ddittheddene wi voopharani mutteko moollipiha ddiidda ninaphwanella wi naakavihereke oohoowa, vawuupuwellani mawu yallotille Apwiya Yesu weekhiiwa wi, ‘Oovaha sika anadalisiwa ohiri owaakhella.’ ”

Yesaya 58:10

mwaawaachihaka eettalla ni waakavihera oohoowa, epiphi eyo ewaapheelleni eneerotthattuwa owala wonanko otthaana.

Yesaya 58:7

Eettalla mwaakawelleke ddoocha ddanyu nave oorama vookhalla mwaakawellekewo nipuro nanyu, oosiwa mumvaheke yoowara nave mwaakavihereke abalaanyu.

Oollalleya 11:6

Ohinase omidde m'middwaawo, misikuwattho ohiniithuuwiiha mattaawo vawi khonadduwella nnddo ddinaawunnuwe khaya tti nndda apaalle nndde apaalle piilliddene.

Masalimo 92:10

Koma moowelliha nnyaka naka wonanko enari, mookizoza makhura anaanweene.

2 Akorinto 8:9

Munnadduwella echisomo ya Apwiihu Yesu Khrisitu yawi addeera oohoowa ekaamba ya nyuwaano naari aari eeyuuma wi aweereni nyuwaano eeyuuma oyeella mu ohoowa waye.

Yohane 13:29

Vawi kaambiiwa Yudasi aari oosunga nthumba na makobiri, amodda yaaganiza wi Yesu amulleella wi akulle ddoopaalleya dda va Ehakallallo ya Paska. Apaalle wi aavahe makobiri athu oohoowa.

Luka 16:9

Yesu aallotave wi, “Kinimuulleellani wi, mwiiphwanyelle akhwiinyu voopharihani mutteko eyuuma ya va ellapo yavatthi wi yamalla mwaakhelliwa owaani woohimalla, oddullu.

Luka 12:33

Kullihani ddeko ddanyu ddittheddene nave makobiraayo mwaavahe oohoowa. Mwiiphwanyelle mathumba a eyuuma ayo ehinaahuwa ni wiisungella eyuuma oddullu nko ehinayevawiiwa kaambiiwa allupaawiiya khenaphiyawo naari enjenjete khaddinoononga.

Mariko 14:7

Vawi munnakhalla ni athu oohoowa mallapo mattheene nave enthawi munapaalleenyu, muneerowora oweerella ddaphaama. Koma khamukhalla ni miyaano mallapo mattheene.

Miyambo 19:17

Wamuvaha muthu oohoowa waakongolihalle Apwiya nave eneerewuuhokollosella ddaweera ddawo.

Masalimo 112:3

Nibanja naye nineerokhalla na eyuuma ni nootukhuwa, echilungamwaaye onaakhalle wa enthawi yoohimalla.

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.

1 Samuele 2:1

Hana aavekella wi, “Murimaaka onnahakallalla ekaamba ya nnddo ekeerelle Apwiya. Kinneeta moorumiha mukhito ekaamba ya Apwiya, kinnaattheya adanaaka, koohakallalla wunchichi vawi mookivullusa.”

Deuteronomo 24:13

Muyihokollose nndduwa nihinavollowe wi olliye iikhunellena mahiiyu. Mwawi ddiidda muthooyo aneerewuuthokozani nave Apwiya Mullukwaanyu eneerohakallalla ni nyuwaano.

Deuteronomo 15:11

Vawi enthawi ddittheddene vineerekokhalla athu oohoowa variyari vanyu, sika kinuulamulani wi athu yaalla muwoollowelleke matta.

Mitteko 4:35

yaavelleella wa murummwa nave makobiraayo yaanakawiwa wa arive muthu ollikana ni opaalla waye.

Luka 18:22

Yesu iiwalleeye ddenndda aallota wa olliye wi, “Onayelleella ello emodda. Khawe wakullihe ddeko ddittheddene oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Luka 11:41

Koma mwaavaheke oohoowa nnddo ddiri muwari mwa makapu ni embale ddanyu sika makapwaanyu mattheene ni embale ddanyu ddittheddene ddineerokhalla ddaweella vamiitthoni va Mulluku.

Mateyu 6:4

wi ekhalle yawiipittheya nave Attiittho awoona ddawiipittheya eneerewuuthuva.

Yesaya 32:8

Koma ooreera murima anaganizella ddaphaama nave anallipihella weera ddaphaama.

Deuteronomo 15:14

Mumuvahewo mwawoollowa matta va ddittheddene nnddo Apwiya yuudalisallenyunani monga enkhosa, tirigu ni vinyo.

Masalimo 92:11

Miitthwaaka ahoona woonongeya wa adanaaka, maarwaaka ahiiwa winlla wa ookiwukila.

Masalimo 111:3

Mitteko ddiwa tti ddoolemu ni ddoomwene, echilungamwaaye tti wa enthawi yoohimalla.

Miyambo 14:24

Othuviwa wa athu eezeru tti eyuuma koma okarangeya wa oolloddowa tti okarangeya.

Miyambo 21:26

Muthu oonanara annakuseya murima nllapo nittheene koma oolungama annavaha nave khanuumellella.

Oollalleya 3:6

Vookhalla enthawi yawaashaasha ni enthawi yoohiya waashaasha, enthawi yoosunga ni enthawi yootathilla.