Masalimo 112:3 - Mawu a Mulluku

³ Nibanja naye nineerokhalla na eyuuma ni nootukhuwa, echilungamwaaye onaakhalle wa enthawi yoohimalla.

Masalimo 112:3 ပူးပေါင်းရင်းမြစ်များ

Miyambo 15:6

Mpa mwa muthu oolungama munnakhalla eyuuma yinchichi koma mu mphuro wa oonanara munnakhalla ddookatamiha.

Miyambo 3:16

Okumi woorekama ori o nnattanatta waye, eyuuma ni oriiheya wuunyotthoni waye.

Mateyu 6:33

Koma yawaamba mwaashaasheke omwene wa Mulluku ni echilungamwaaye nave aneerewuuvahani ddeko ddittheddenenndda.

Yesaya 33:6

Eneerewuuvahani murendelle wookeraattheya va enthawaanyu, ovullusa wuullupalli, odduwella wunchichi ni ezeru ddinchichi vawi owoova Apwiya sika onavaha eyuumayuuma.

Masalimo 112:9

Annavelleella moohummella wa athu oohoowa, Echilungamwaaye tti yoohimalla, aneeroriihiwa ni ovahiwa olemu.

2 Akorinto 6:10

Ninnooniwa wonanko oomoriha ethakaraka naari enthawi ddittheddene nihakallallaka, wonanko oohoowa naari naaweeriha athu anchichi okhalla eeyuuma, wonanko oohikhalla ni ello naari niri ni ddeko ddittheddene.

Masalimo 111:10

Owoova Apwiya tti waamba wa ezeru, oothwara malamulwiiwa annakhalla ni odduwella. Apwiya tti ootitimiheya wa enthawi yoohimalla.

Masalimo 111:3

Mitteko ddiwa tti ddoolemu ni ddoomwene, echilungamwaaye tti wa enthawi yoohimalla.

Yesaya 51:8

Athu yaalla eneeromalla wonanko ekuwo yoochiwa ni enjenjete, wonanko nthoche noochiwa ni miingu. Koma ovullusa waka onaakhalle wa enthawi yoohimalla, woopolla waka wa enthawi ddittheddene.”

Yesaya 32:17

Ekaamba ya yeella, mu ellapo ettheene muneerokhalla murendelle ni omaalleya ophiyera wa enthawi yoohimalla.

Yobu 5:24

Enyumbaawo eneeroddalla ni murendelle, eziweto ddawo kheddirimeella.

Masalimo 34:10

Mukango ttuurama yoocha ttuuvolliwa ettalla, koma ayo enawaashaasha Apwiya khenaramiwa ddeko ddaphaama.

Masalimo 34:11

Waawoni anaaka, kiiwellelleni, kineerewuuhuddihani owoova Apwiya.

Miyambo 21:20

Muthu eezeru annasunga makhura oowallamella mutengo koma ookarangeya annaamirya.