Masalimo 111:9 - Mawu a Mulluku

⁹ Yahaavullusa athwiiwa, yaakeraatthiha echipanganwiiwa wi ekhalle ya enthawi yoohimalla. Nnddina niwa tti naweella ni nawoopiha.

Masalimo 111:9 ပူးပေါင်းရင်းမြစ်များ

Masalimo 99:3

Attheene etitimihe nnddina niwa nuullupalli ni nawooviwa! Alliwa tti aweella!

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Luka 1:68

“Ootitimiheya tti Apwiya Mulluku a Aisraele! Oowa wi aakavihere athwaaye nave awoopolle.

Luka 1:49

kaambiiwa Mulluku amasiva ookeerella ddeko dduullupalli. Nnddina naye sika naweella.

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.

Aefeso 1:14

Munepa yoolla tti echikole ya madaliso ayo Mulluku aanilonjezilleeye wi nineerovullusiwa. Ottekweenaaye otitimihiwe!

Yawuupullulla 4:8

Erive yoophatusiwa yookumi yaakhalla ni muuphello matthanu ni nimodda nave yaakhalla ni miittho muwari ni otte wene. Ddakhallella wiipa otthaana ni mahiywiine woohihiya wi, “Aweella, aweella, aweella, tti Apwiya Mulluku Amasiva Mattheene, oyo aarivo khalle, arivo ollello ni oyo anaawe muhoollo.”

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

Aheberi 9:12

Vano aavollowa omodda o nipuro noopatuleya na oddullu anoopolla omachimoni wa enthawi yoohimalla. Enre yeella vooheraatthini mukutho wa nikhame naayenaaye woohikhalla na epuri apaalle na eng'ombe.

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

Deuteronomo 28:58

“Mwiiwellelleke moororomelleya malamulo mattheene ayo elembiwe mu nibukhunna wi mooveke nnddina noottikhiniha ni nawoopiha na Apwiya Mullukwaanyu.

Mateyu 1:21

Aneeromuyara mwaana aamullopwana nave aneeromuvaha nnddina nawi Yesu kaambiiwa aneerewaavullusa athwaaye o machimwiiwa.”

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Yesaya 55:3

Apellani maaru nave muwe wa miyaano, kiiwellelle wi mukhalle ni okumi. Kineerokeraatthiha ni nyuwaano echipangano yoohimalla, kineerowoonihani echikondi yoohisintheya ni yoohikayikiha eyo kamulonjezilleemi Davide.

Yesaya 44:6

Apwiya, Mwene ni Oowoopolla a Israele, Apwiya Amasiva Mattheene enallota wi, “Mi tti awaambeella ni oomallihella, khaavottho Mulluku mmodda koma meekhave.

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Malaki 2:2

Apwiya Amasiva Mattheene enallota wi, “Mwaahikiiwellellaka, mwaahivahaka olemu ni murimaanyu muttheene nnddina naka, kineerotembelela madaliswaanyu. Kahaatembelela khalle kaambiiwa khamwiiwellelle lamulo naka ni murimaanyu muttheene.

Yesaya 6:3

Aserafaayo yaanakhuwellana wi, Aweella, aweella, aweella tti Apwiya Amasiva Mattheene! Ntitimiho niwa nooddalla ellapo yavatthi ettheene.

Masalimo 111:5

Ennavaha yoocha athu oowoova, ennuupuwella echipanganwiiwa enthawi ettheene.

Masalimo 99:9

Atitimiheni Apwiya Mullukwaahu, allapelleni o mwaangwiiwa waweella, Apwiya Mullukwaahu tti aweella.

Masalimo 99:5

Atitimiheni Apwiya Mullukwaahu, kokhorellani voonyingalla manyallwiiwa, alliwa tti aweella!

Masalimo 89:7

Mulluku sika anooviwa m'mutthukumanoni wa aweella, sika awoopiha waakhwaranya attheene oomwaapheella.

1 Epilli 16:15

Muupuwelleke echipanganwiiwa enthawi ettheene, mawiiwa yaalamulelliiwa wa mibado ddinchichi,

2 Samuele 23:5

Vano Mulluku aneerodalisa edduullu ddaka kaambiiwa olliye aheera echipangano yoohimalla ni miyaano. Echipangano yootthopoowa phaama ni yoohimalla. Nndda sika kinakhallelleemi munkhella nave sika ddinaakivulluse, Mulluku sika anaaweere ddenndda.

Deuteronomo 15:15

Muupuwelleke wi nyuwaano mwaari akaporo o Iguputo nave Apwiya Mullukwaanyu yaawoopollani. Ella sika ekaambiiwa kinawinnyeemini lamulo nenna ollellova.

Eksodo 15:13

“Koma athu ayo mwawoopollilleenyu, mwahaahoollella ni echikondaanyu yoohimalla, mwahaahoollella ni masivaanyu, oya onipuroni nanyu naweella.