Masalimo 111:2 - Mawu a Mulluku

² Mitteko dda Apwiya tti dduullupalli, attheene oohakallallana ennaddiganizera.

Masalimo 111:2 ပူးပေါင်းရင်းမြစ်များ

Masalimo 104:24

Nyu Apwiya, mitteko ddanyu tti ddinchichi, mwaaddipanga ddittheddene mweezeru, ellapo yavatthi yooddalla ni ddoophatusiwa ddanyu.

Miyambo 24:14

Odduwellettho wi ezeru tti yawi ddiiddo va okumaawo. Wayiphwanya, oneerokhalla ni muhoollo mwaphaama nave etiyerellwaawo khelepheleya.

Masalimo 143:5

Kinnuupuwella mallapo akhalle, kinnaganizera dda ddittheddene muddeerilleenyu, mitteko dda mattaanyu.

Masalimo 139:14

Nyu awoopiha ni oottikhiniha, kinnuutitimihani, munnakidduwellesesa phaama, mitteko ddanyu tti ddoottikhiniha, murimaaka onnayidduwella yeella.

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.

Aefeso 1:19

nave opambana wa wunnuwa wa masivaaye onaphara mutteko mwa hiyaano oomukhulupilila. Masiva yaalla enaphwanaphwana ni masiva muullupallaalle

Daniele 4:3

Ezizindikiro ddaye tti dduullupalli, ddoottikhiniha ddaye tti ddamasiva. Omwenaaye tti wa enthawi yoohimalla, olamulellwaaye tti wa o mibado ddittheddene.

Oollalleya 3:11

Aayireeriha erive ello va enthawiiwa. M'murimani mwa athu Mulluku aahiyamottho ddoohimalla va mibado ddittheddene. Komathi athwaayo khewora oddikhumellella ddittheddene dda Mulluku waambeella vawaamba ophiyera vamamallihello.

Miyambo 17:16

M'mattani mwa muthu ookarangeya munakhallella tini makobiri ookullella ezeru murwaaye oheetaka phaama?

Aroma 8:6

Weetihiwa ni omuthu omallihella wene tti okhwa koma weetihiwa ni Munepa omallihella wene tti okumi ni murendelle.

Aroma 1:28

Vawi athu yaayo ennakhoota omwaakhullella Mulluku, Mullukooyo ohaahiya wi eganizeke ddoonanara ddennddo. Sika eneera ddeko ddoohiphwanella weeriwa.

Yobu 37:7

Mulluku anniimesa mutteko wa arive muthu wi athu attheene edduwelle mitteko ddaye.

Yobu 9:10

Olliye sika aneera dduullupalli ddoohiiweseseya, oyo aneera ddoottikhiniha ddooheerengeya.

Yobu 5:9

Mitteko ddaye tti dduullupalli ni ddoohiiweyesesa, tti ddoottikhiniha ni ddooheerengeya.

Yesaya 40:12

Ethiyo ttaani eesille waata wa maaddi a mu enyanja ni nnatta naye apaalle orekama wa muddullu ni muwonwaaye? Ethiyo ttaani eesille ethaya ettheene ya ellapo yavatthi ni mutaanga apaalle ollemella wa miyaango ni asimiyaango vasikeloni?

Masalimo 107:43

Oyo ari ni ezeru iiwesese ddenndda, athu eganizelle dda echikondi yoohisintheya ya Apwiya.

Masalimo 104:34

Mavekellwaaka yaaddivelle Apwiya vawi kinnahakallalla mwa alliwa.

Yobu 37:14

We Yobu wiiwesese nndda, imella oganizere mitteko ddoottikhiniha dda Mulluku.

Masalimo 118:15

Iwani machipo oohakallalla m'misasani dda athu oolungama awi, “Nnattanatta na Apwiya ninnagonjiha mwamasiva,