Masalimo 110:3 - Mawu a Mulluku

³ Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

Masalimo 110:3 ပူးပေါင်းရင်းမြစ်များ

Oweeruza 5:2

“Etitimiheye Apwiya, vawi oohoollella a Aisraele yaahoollella, athu yahiivelleella.”

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

1 Atesalonika 4:7

Mulluku khaaniithanne wi neereke ddooraruwa koma ddaweella.

Aefeso 1:4

Mulluku ahinaphatuse ellapo yavatthi, aari anitthoonlle khalle oweella mu eyaattanwaahu ni Khrisitu wi nikhalle aweella ni oohichimwa vamiitthoni vaye. Ekaamba ya echikondaaye,

Yawuupullulla 7:9

Ddimallille ddenndda kahoona masomphenya a mulloko muullupalli wa athu ooheerengeya! Yavenyenre mu orive mutundu, nirive nlloko, erive ellapo ni erive ellotello nave yahiimella vamiitthoni va mpando woomwene ni mwaanaankhosa, ewanre ddoowara ddaweella nave ephareelle enthambi dda kanjeza m'mattani mwiwa.

2 Akorinto 13:4

Naari aari oofooka vootthomeyiwani vamutandani vano tti ookumi oweella mu masiva a Mulluku. Hiyaanottho tti oofooka wonanko olliyooyo koma vaweerani ni nyuwaano ninakhalla ni okumi oweella mwamasiva a Mulluku wonanko olliyooyo.

2 Akorinto 8:16

Ninnamuthokoza Mulluku voomuvahani Tito ntthitti nowuukaviherani wonanko hiyaano!

2 Akorinto 8:12

Mwakhalla ni ntthitti noovelleella, Mulluku aneerewaakhella emphaso ddanyu moollikana ni nnddo muriinyuna ohiri moollikana ni nnddo muhiinnaanyu.

Mitteko 21:20

Yiiwalliiwa, yaamutitimiha Mulluku. Nave yaallota wi, “Mwanamunnihu Paulo onnoona vano wi Ayuda anchichi tti ookhulupilila navettho attheenaayo enniivelleella voothwarani malamulo.

Masalimo 96:9

Allapelleni Apwiya antitimiho ni aweella, tthukumellani vamiitthoni viwa, nyu athu attheene a va ellapo yavatthi.

Afilipi 2:13

kaambiiwa Mulluku anaphara mutteko mwa nyuwaano wi mupaalle nave muwore omwiiwellella.

Mitteko 2:41

Sika athu ayo yaakhenlle mawaaye yaabatiziwa. Vaakhalla athu 3,000 ayo yaanjereriwe omullokoni wa athu ookhulupilila nllapo nenna.

Mitteko 2:33

Aawellihiwa oddullu akhalla onnattanatta na Mulluku, Attiitthinnya nave ohaakhella Munepa Waweella ovenyera wa olliye moollikana ni mmo alonjezilleeye khalle. Munooneenyu ni wiiwanndda tti Munepa Waweella anivahilleeye.

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

1 Epilli 16:29

Tthamallani ntitimiho na nnddina na Apwiya, wannani ddoovelleella m'mathatoni a enyumbiiwa. Allapelleni Apwiya antitimiho ni aweella,

Mitteko 19:20

Mwamasiva ddiidda mawu a Apwiya yaavirellella ovuwa nave okhalla amasiva.

Mitteko 4:4

Koma mwa athu yiiwalle othengooyo anchichi yaakhulupilila. Nave waata wa athu ookhulupilila wahaanjerereya ophiyera 5,000.

Nehemiya 11:2

Nave athu yahaathokoza athu attheene ayo yiivelleelle mwa opaalla wiwa wi yakhalleke mu Yerusalemu.

Ezekiele 43:12

Nenna sika lamulo na mu enyumba ya Apwiya eyo enaamakiwe vaddullu va mwaango. Vatthevene vawaapheella vineerokhalla vaweellesesa. Nenna sika lamulo na mu enyumba ya Apwiya.”

Oweeruza 5:9

Etitimiheye Apwiya, murimaaka ori ni oohoollella a akhoto a o Israele, ori ni athu ayo awiivelleella, variyari va akhwiiwa.

Masalimo 29:2

Titimihani oriiheya wa nnddina na Apwiya, llapellani oreera wa weella wiwa.

Mika 5:6

Alliwa eneerogonjiha ellapo ya Asiriya ni nsupada nave eneerewaakha ellapo ya Nimirodi mwakhoto. Aneeronivullusa wa Aasiriya yavollowa ni ollapuwella mwiillaponi mwahu.