Masalimo 11:6 - Mawu a Mulluku

⁶ Apwiya eneerewaarumihella oonanara munllo ni sulufure wonanko murimu. Eneerewaallaka ni ephevo yooviha moollikana ni ddaweera ddiwa.

Masalimo 11:6 ပူးပေါင်းရင်းမြစ်များ

Ezekiele 38:22

Kineeromullaka ni mullilli owaaka okhwa. Kineeromumorihella olliye, akhotwaaye ni va mitundu ddittheddene dda athu enuukavihera, murimu, marallalla, munllo ni sulufure.

Genesis 19:24

Vano Apwiya yaamoriha munllo wa sulufure va Sodomu ni Gomora ovenyera oddullu.

Ezekiele 13:13

“Ella sika ekaambiiwa mi Apwiya Mulluku kinalloteemi wi, ‘Kineerorumiha ephevo yawoopiha moosha murima. Kineeromurupiha murimu amasiva moowalli Kineeromoriha marallalla muullupalli moovoriiha murima ophiyera esireeyo yoonongeyesese.

Luka 17:29

Koma va nllapo nno Loti akhumalleeye mu Sodomu, munllo ni malluku a sulufure ddaamora ovenyera oddullu ddiwiipha athu attheene.

Masalimo 75:8

Ollaka wa Apwiya tti wonanko m'mattani mwiwa ooddalla ni vinyo ookhuma niphoru ni oowaawa. Ammimina vinyooyo oonanara attheene a va ellapo yavatthi eneeromuwirya, ophiyera yoombonlle ddoohalla mukapunimmo.

Yobu 20:23

Va enthawi yawi avone ni wiichella, Mulluku aneerommorihella owalli wawoopiha, yoochaaye enaakhalle osha murima wa Mulluku.

Yobu 18:15

Mpa mwaye munakhalla nnddo ddihiri ddaaye, vookhalla vaye vineeromiddiwa sulufure.

Yohane 18:11

Yesu aamulleella Petro wi, “Hokollosella nsupada nawo mu nigonelo mwiwa! Ethiyo kihimuwirye kapu a ddoohoosa oyo Attiitthaaka yaakivahilliiwa?”

Habakuku 2:16

Koma oneerowulliwa muru munipuroni moovahiwa olemu. Vano wirya, olezele ni ohahareye, Apwiya eneerewuwiryiha kapu a owalliiwa, olemwaawo oneerotthattusiwa owulliwa muru.

Masalimo 105:32

Yahaavaha marallalla munipuroni mwa murimu, ettari eyo yasherima mu ellapwiiwa.

Yesaya 51:17

We Yerusalemu, venya, venya, imella! Woomuwirya kapu oollaka oyo Apwiya yawinnyalliiwa eshille murima, kapu oohaharereyiha waamuwirya muttheene.

Masalimo 16:5

Nyu Apwiya sika eyuumaaka ni yoohallanaaka, okumaaka ori m'mattani mwanyu.

Yesaya 51:22

Apwiya, Apwiyaawo, Mullukwaawo, ayo enuutetezella enallota wi, “Ngoona, koowaakha kapu oohahareyiha, kapu oyo kawinnyalleemini kishille murima khamuwa mumuwiryattho.

1 Samuele 9:23

Vano Samuele amulleella awaapeya ddoocha wi, “Waana wuno enthuli ya enama elle kawinnyalleemiille. Kahuulleella valle wi ohiye vakhwipi.”

1 Samuele 1:4

Erive enthawi Elikana aavelleellaka mukutho aanaavahawo Penina ni anaaye echigawo emodda ya enama ya mukuthweeyo wi eche.

Genesis 43:34

Yoocheeyo yakawiwa ovenyera va tebulo ya Yosefe koma yoocha yoovelleelliwa wa Benjamini yaari yawaata wonanko ya athu atthanu. Sika attheenaayo yaacha ni owirya ni Yosefe ophiyera yaavona nave yaahakallalla nimodda ni olliye.

Yobu 18:10

Nikhatto ninareyiwa vatthi mwawiipittha, musampha wooreyiwa muttilla.

Masalimo 18:13

Apwiya yaagugudeya ovenyera oddullu, Mulluku Amasiva Mattheene mawaaye yahiiweya.

Masalimo 32:10

Muthu oonanara annakumana ni ddookhoma ddinchichi, koma muthu awaaroromella Apwiya annaapheelliwa ni echikondi yoohisintheya.

Yeremiya 13:25

Muneerewaakhella ollaka nko kuukeraatthihelleemini ekaamba yawi mookitiwalla nave munaroromella milluku ddawoottha.