Masalimo 109:22 - Mawu a Mulluku

²² Vawi miyaano kiri oohoowa, oopaneya ni ookatamihiwa m'murimani

Masalimo 109:22 ပူးပေါင်းရင်းမြစ်များ

Masalimo 86:1

Nyu Apwiya, kaapelleni maaru, kaakhulleni, vawi miyaano kiri oohoowa ni oopaneya.

Masalimo 102:4

Murimaaka wootulliwa wonanko manasi nave woonyaalla wawi kinnatiwalla ocha yoochaaka.

Masalimo 40:17

Mi tti oofooka nave oohoowa, koma khamukituwanlle, nyu Apwiya. Nyu tti ookikaviheraaka ni oovullusaaka, nyu Mullukwaaka, muhinaselliwa okikavihera.

Masalimo 22:6

Koma miyaano tti wonanko enyambo, ngihiyo muthu naari vang'ono, oyo athu enamuvevulliiwa ni omukhoota.

2 Akorinto 8:9

Munnadduwella echisomo ya Apwiihu Yesu Khrisitu yawi addeera oohoowa ekaamba ya nyuwaano naari aari eeyuuma wi aweereni nyuwaano eeyuuma oyeella mu ohoowa waye.

Yohane 12:27

“Vano murimaaka wookatamihiwa. Nave kinaallote tini? Killote wi, ‘Attiitthaaka, muhaakhullelle wi enthawi yookatamiheella ekiphiyere miyaano?’ Koma kaawa ekaamba ya ddookatamiha ddenndda.

Luka 22:44

Naari Yesu ahoowille wawoopiha m'murimani mwaye, aavekellave ohiyana ni vawaamba nave nikhurumella naye naari wonanko nikhame ninamorella vatthi.

Mateyu 8:20

Yesu aallota wi, “Akhatwe aakhalla ni milliha ddiwa navettho epallame ddookhalla ni emphuru ddiwa koma mi, Mwaana a Muthu, nginna naari voohameella murwaaka.”

Yesaya 53:3

Olliye aavevulliwa ni aakhootiwa ni athu, muthu addoovoreya, ooddollweella ddoowaawa. Aanyaambusiwa wonanko owiipitthihelliwa ekhove ni athu, hiyaano khenaamweesille wonanko muthumuthu.

Masalimo 109:16

Vawi muthooyo khaawuupuwelle weera echifundo, koma ahaahoosa ni owiipha oohoowa, oopaneya ni ookatamihiwa m'murimani.

Yobu 6:4

Vawi mipaamba dda Mulluku Amasiva Mattheene ddookihoma, okumaaka wooddalla ni nttipwi niwa. Ddawoopiha dda Mulluku ddookuupa.

2 Mamwene 4:27

Vano aphiyalle omwaangoni, wa Elisha muthu a Mulluku, mutthiyanooyo aakokhora aphara manyallo a Elisha. Gehazi aawa wi amukakhe. Koma Elisha aallota wi, “Muhiye, ethiyo khonoona wi ari mu ddookatamiha ddinchichi? Apwiya aakiipitthihella ddenndda, khekilleelle.”

Masalimo 25:16

Nyu Apwiya, kiweheni, keerelleni echifundo vawi kiri meekha nave koohoosiwa wunchichi.