Masalimo 109:14 - Mawu a Mulluku

¹⁴ Apwiya ehitiwalle ddoonanara dda makhollwaaye, machimo a amennya ehivuhellelleye.

Masalimo 109:14 ပူးပေါင်းရင်းမြစ်များ

Nehemiya 4:5

Muhaakhululukelle ddoolakwa ddiwa nave muhivuhellelle machimwiiwa vawi yoottatthamulla owallaanyu vamiitthoni va athu eeruso yoomaka.”

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Yeremiya 18:23

Nyu Apwiya, munnadduwella eziwembu ddiwa ddittheddene ddoopaalla okiipha. Muhaakhululukelle ddoonanara ddiwa apaalle waavenyihellavo machimwiiwa. Egonjihiwe vamiitthoni vanyu nave mwaallake mu osha murima wanyu.”

Yesaya 43:25

Miyaano, ddawoona miyaano, tti oyo anakhululukella machimwaawo ekaamba ya ntitimiho naka nguupuwellaka machimwaawo.

2 Mamwene 11:1

Ataliya amennya a Ahaziya oonille wi mwanaye ookhwa, aatimulla awoononga athu attheene a va nibanja noomwene.

2 Mamwene 9:27

Vano Ahaziya mwene a o Yuda oonille ddenndda, aathawella o Betehagani. Koma Yehu aamuthwara allota wi, “Olliyettho muhomeni.” Nave yamuhomelle mu nigareta va mutunda wa Guri, vakhuviru ni Ibleamu. Sika Ahaziya aathawella o Megido, akhwella wenko.

2 Mamwene 8:27

Olliye aathwara echisanzo ya nibanja na Ahabu, aneera ddoonanara vamiitthoni va Apwiya vawi aari mukamwene a mu nibanja na Ahabu.

2 Samuele 21:1

Enthawi ya omwene wa Davide waakhalla ettalla wa miyakha miraru ddoothwarana. Nave Davide aaveka ezeru wa Apwiya nave Apwiya yaamulleella wi, “Saulo ni nibanja naye aakhalla ni mullatu woowiipha Agibiyoni.”

2 Samuele 3:29

Mullatu yoolla okhalle wa Yowabu ni nibanja nittheene na attiitthinnya. Nave Mulluku amullake Yowabu ni nibanja naye nittheene nave attheene evoriiwe ni erata ya echisonono apaalle ereta ya makate apaalle orakalla apaalle yiiphiwe okhotoni apaallettho erame yoocha.”

Levitiko 26:39

Naari amodda munaahallenyu nanyeenettho muneerotthollowa mwiillaponi ya adanaanyu ekaamba ya machimwaanyu nave muneerohoowattho ekaamba ya machimo a makhollwaanyu.

Eksodo 34:7

Alliwa tti eechikondi wa mibado ddooheerengeya nave tti ookhululukella ddoolakwa, ddoonanara ni machimo. Koma tti oohihiyerera oochimwa nave ennaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese.”