Masalimo 109:13 - Mawu a Mulluku

¹³ Edduullu ddaye dditthollowe, nnddina niwa nihiiweyettho mu mbado waneepiilli.

Masalimo 109:13 ပူးပေါင်းရင်းမြစ်များ

Miyambo 10:7

Oolungama annadala vawuupuwelliwani koma nnddina na oonanara nineerewunta.

Masalimo 37:28

Apwiya ennakonda echilungamo, kheyaahiya athwiiwa oororomelleya, eneerewaasunga wa enthawi yoohimalla, koma eneerowoonga athu oonanara.

Yobu 18:19

Khawa akhallana anamwani apaalle edduullu, khavikhallattho oohalla vanipuroni naye.

Yeremiya 22:30

Apwiya enallota wi, “Mulembeni muthoolla wonanko oohikhalla ni anamwani, oyo ahinaphure ello va okumaaye. Vawi khaavo naari mmodda mwa edduullu ddaye oyo anaakhalle va mpando woomwene wa Davide wi ttuulamulellattho ellapo ya Yuda.”

Masalimo 21:10

Aniiwa eneerewoonongeya va ellapo yavatthi, edduullu ddiwa ddineerotthollowa variyari va athu.

1 Samuele 3:13

Koomuchenjeza Elooyo wi kiri vakhuviru omullaka ni nibanja naye nittheene wa enthawi yoohimalla ekaamba ya ddoonanara nnddo yakeerelliiwa. Eli aanadduwella koma khaavaanyiha.

Deuteronomo 29:20

Apwiya khemukhululukella muthu awi ddiidda vawi Apwiya eneeromushella murima ni ehache yookhara. Nave matembelelo oolembiwa munibukhunimmu eneeromumorella nave Apwiya eneeromoononga wawi khawa uupuwelliwa va ellapo yavatthi.

Deuteronomo 25:19

Vano Apwiya Mullukwaanyu yuuvahani ellapo wi ekhalle yoohallanaanyu, yawaakihanittho m'mattani mwa adanaanyu attheene oowaapheellani, moonesese wi mwaatthollose Aamaleki attheene wi nnddina niwa nithiimihiwe va ellapo yavatthi. Muhitiwalle ddenndda!”

Deuteronomo 9:14

Vano ohikivaanyihe vawi kinapaalla kiwoononge nave khewa yuupuwelleya va ellapo yavatthi. Koma weyaano kineerewuutthattusa mutundu muullupalli ni wamasiva okhwaranya alliwaalla.

Numeri 27:4

Ethiyo nnddina na attiitthiihu nikhwe ekaamba yawi kheyaarina mwaana aamullopwana? Munivahe mapuro variyari va abaliiwa a attiitthiihu.”

1 Mamwene 16:11

Nave Zimuri aambilleeye olamulella, aawiipha athu attheene a nibanja na Baasha, oohimuhiya naari mullopwana mmodda a abalaaye ni akhwaaye.

Estere 9:10

Alla yaari anamwani aallopwana khumi a Hamani, mwaana a Hamedata, mudani a Ayuda. Koma kheyaakhille ddeko dda adaniiwaayo.

Yobu 18:17

Khawa uupuwelliwattho veellaponi yavatthi, nnddina naye nineerotiwalliwa.

Masalimo 21:11

Yaaganizeraka omweerella yoonanara ni omuvoreya, ehiwore,