Masalimo 108:13 - Mawu a Mulluku

¹³ Mulluku akhalla ni hiyaano, nineerowana ekhoto moollipa murima vawi tti olliye anaawaanyingallelle adanaahu.

Masalimo 108:13 ပူးပေါင်းရင်းမြစ်များ

Masalimo 60:12

Mulluku akhalla ni hiyaano nineerowana ekhoto moollipa murima vawi tti olliye anaawaanyingallelle adanaahu.”

2 Akorinto 2:14

Mulluku athokoziwe! Vawi mu eyaattano ni Khrisitu Mulluku annanihoollella enthawi ddittheddene wi nigonjiheke. Navettho Mulluku ananiphariha mutteko woovuwiha ddoodduwella dda Khrisitu virive veko wonanko nthuko naphaama.

Yesaya 63:3

“Koovota mitundu dda athu ddimodda wonanko mpesa nave khaavo naari mmodda oyo akikaviherille. Kahaavota kishille murima nave kahaanyingallella moowalli mwawi kahiinthamusella nikhame.

Masalimo 18:42

Kahaasillasilla wonanko nthupi noovava ni ephevo, kahaanyingallella wonanko matokwi a m'musewuni.

1 Akorinto 15:10

Koma ni echisomo ya Mulluku miyaano kiri mmu kikhallelleemi nave echisomo aakivahilleeye kheyaari yoohikhalla ni mutteko. Koophara mutteko moollipiha ohiyana ni amurummwa amodda attheene naari khe miyaano koma echisomo ya Mulluku eyo enaphara mwa miyaano.

Aroma 16:20

Sika Mulluku oyo anavaha murendelle aneerewoononga veneva masiva a Satana nave aneeroweerihani wi mumulamulelle. Echisomo ya Apwiya Yesu Khrisitu ekhalle ni nyuwaano.

Yesaya 25:10

Apwiya eneeroteteza mwaangwiiwa ni nnatta niwa koma Amowabu eneeronyingallelliwa wonanko manyowa munllitini.

Masalimo 144:1

Etitimiheye Apwiya, nlluku naka, ayo enahuddiha mattaaka ni eyaalla ddaka owana ekhoto.

2 Epilli 20:12

Nyu Mullukwaahu, ethiyo yaalla khemwaallaka? Vawi hi kheninna masiva awi ttuullipanana athu enaanihelle ekhoto. Kheninna yaweera koma miitthwaahu eri va nyu.”

Oweeruza 15:8

Vano aawanana wawoopiha wawi aawiipha athu anchichi. Vatulli viwa aavollowa onikhunguni na nlluku na Etamu akhalla wenko.