Masalimo 107:7 - Mawu a Mulluku

⁷ Yahaahoollella o ettilla yawookowa ophiyera yaaphiya o muzinda wi yakhallemo.

Masalimo 107:7 ပူးပေါင်းရင်းမြစ်များ

Yeremiya 31:9

Eneerohokollweella owaniwa yinllaka nave evekellaka, miyaano kaawaahoollellaka mweechifundo. Kineerewahoollella o mihinje ddooddalla ni maaddi, khekwakwatuwa, ettilla ddiwa ddinaakhalle ddoomwaramwareya. Mi tti attiitthinnya a Israele, Efuremu tti mwanaka awaamba.”

Aheberi 12:22

Koma nyuwaano moophiya o mwaango wa Ziyoni nave o Yerusalemu ooddullu, o muzinda wa Mulluku Ookumi, nko ori angelo anchichi enahakallalla.

Masalimo 77:20

Mwahaahoollella athwaanyu wonanko enkhosa oweella mwa Mose ni Aroni.

2 Petro 2:15

Aahiya ettilla yawookowa nave aahollowa. Ekusalle ettilla eyo akusalle Balamu mwaana aamullopwana a Beori. Balamu aakonda opata makobiri vaweerani ddoonanara

Aheberi 11:16

Koma yatiyera ellapo yaphaama oddullu ohiyana ni ellapo yoowaniwa. Ella sika ekaambiiwa Mulluku ahinawulliweeyena muru yaamuromollaka wi Mullukwiiwa. Nave ahaamakella muzinda woohimalla.

Yesaya 30:21

Mwaahapuwellaka onnattanatta apaalle onyotthoni, muneerewiiwa otulli wanyu mawu owuutthoonyihellani ettilla awi, “Ettilla tti yeella, muthwareke yeella.”

Masalimo 107:36

Nave wenko Apwiya yahaakeraatthiha athu eettalla, vano athwaayo yaamaka muzinda wi ekhallekemo.

Masalimo 107:4

Amodda yaahollowa muchipululuni, woohiyiphwanya ettilla yooya o muzinda wi yakhallemo.

Masalimo 78:52

Vano Mulluku ahaakhumiha athwaaye wonanko enkhosa, anaahoollella muchipululuni wonanko eziweto.

Nehemiya 11:3

Aisraele amodda, allupa mukutho, Alevi, allupa mutteko a o enyumba ya Mulluku ni edduullu dda allupa mutteko a Solomoni yakhalla mu ezigawo dda Yuda, arive muthu va nipuro naye. Oohoollella ayo yakhalla mu Yerusalemu

2 Petro 2:21

Waaweerokhalla waphaama yaahidduwenlle ettilla ya echilungamo ohiyana ni oyidduwella nave waahiya malamulo aweella yaavahiwe wa alliwa.

Yeremiya 31:24

Athu eneerokhalla o Yuda ni mizinda ddaye, oollima ni abusa ni enkhosa ddiwa.

Yeremiya 6:16

Apwiya yaallota ni athwiiwa wi, “Imellani va makhullukano nave wehani. Mukohe nko ori ettilla ddakhalle nave nko ori ettilla yaphaama. Vano muhitathille ettilla yaphaameeyo wi mukhalle ni murendelle.” Koma mwaallota wi, “Khaniwa nithwara!”

Yesaya 48:17

Apwiya, Oowoopollaawo, Aweella a Israele enallota wi, “Mi tti Apwiya Mullukwaawo, ayo enuuhuddiha wi ddeko ddiweetelleke phaama, ayo enuuhoollella va ettilla yoophwanella oyithwara.

Masalimo 136:16

Yahaahoollella athwiiwa mu echipululu, echikondiiwa yoohisintheya tti ya enthawi yoohimalla.

Numeri 9:22

Naari murapooyo wakhuneella vaddullu va musasa wa wamutthukumano wa mallapo meelli apaalle mweeri apaalle enthawi yoorekama, Aisraele yaanakhallave vanipuronimvo nave kheyaatimulla. Koma murapooyo wawella, alliwa yaanatimulla.

Yesaya 32:18

Athu a mi Apwiya enaakhalleke mu mizi ddamurendelle, mu enyumba ddoororomelleya ni mwawiithuuwellamo ni oohikhupanyihiha erive ello.