Masalimo 107:12 - Mawu a Mulluku

¹² Alliwa yaanyingallelliwa ni mitteko ddootopiha, sika yaanakwakwatuwa woohikhallavo naari mmodda awaakavihera.

Masalimo 107:12 ပူးပေါင်းရင်းမြစ်များ

Masalimo 22:11

Muhinakirekamella, vawi ddoohoosa ddookaatamella, khaavo ookikavihera.

Eksodo 2:23

Viviralle enthawi yoorekama wunchichi mwene a o Iguputoolle aakhwa. Nave Aisraelaalle yaavirellella winlla ekaamba ya okaporwiiwoolle nave yaakhuwa wi ekaviheriwe, sika okhuwa wiwa wahiiweya wa Mulluku.

Yesaya 51:23

Kinaamuvelleelle wa awuuhoosa ayo yuulleelle wi, ‘Konaatthi niweete vamutthanani.’ Mutthanaawo yaweesille vatthi voonyingallavo, yaweesille musewu waweetavo.”

Yesaya 63:5

Kaawehaweha koma khaarivo ookikavihera, kaattikhina wunchichi wi khaarivo ookillipiha. Sika kapambanille ni masivaaka nave osha murima waka waakillipiha mwiilli.

Yesaya 52:5

Vano mi Apwiya kineere tini vawoona wi athwaakanyu yahuupharani okaporo oohivelleellavo ello? Awuulamulani ennakhuwa moonyindulla ni okillotella epewe moohihiyerera.

Yobu 9:13

Mulluku khanahokollosa owallaaye, annawoononga ayo enamukavihera Rahabu.

Nehemiya 9:37

Vano ddoohata ddinchichi ddinaya wa mamwene mwanivelleelleenyu m'mattani mwiwa vawi naachimwa. Aakhalla ni masiva oonilamulella ni eziweto ddahu sika niri mu ddookatamiha dduullupalli.”

2 Mamwene 6:33

Elisha Olliye allotaka ni attekweenaayo, mwene aaphiya allota wi, “Yookatamiha yeella enavenyera wa Apwiya. Ethiyo yowaatiyerellattho Apwiya tti tini?”

Oweeruza 16:30

Sika Samisoni aallota wi, “Kikhwe nimodda ni Afilistaalla.” Sika aakakha ni masivaaye mattheene nave enyumbeeyo yahaamorella anamwani aallopwana a mamwene Aafilistaalle ni athu attheene ayo yaari mwemmo. Sika waata wa athu ayo yakhwille va enthawi ya okhwa waye waakhwaranya waata wa athu ayo awiiphalleeye ari mukumi.

Masalimo 142:4

Kaweha o nnattanatta, khaavo naari mmodda anapwatha dda miyaano, khawiiwo wawi kithawellewo, khaavo muthu ookikavihera.

Oweeruza 16:21

Afilistaalle yaamuphara emutthorokolla miitthwaaye nave eyaana o Gaza emmakille ni onyolo wamikoko. Wenko muttekwaaye waari woosilla vansilloni mundende.

2 Mamwene 14:26

Apwiya yahoona wi ddookatamiha dda Aisraele ddaari ddawoopiha. Khaavo naari mmodda ahanlle kaporo apaalle oottaphulliwa, awi ttuuwakavihera.