Masalimo 106:5 - Mawu a Mulluku

⁵ wi koone ddooddiva dda ootthoolliwaanyu, wi kithapellena ehakallallo ya mutundwaanyu, wi kiriiheye vamodda ni yoohallanaanyu.

Masalimo 106:5 ပူးပေါင်းရင်းမြစ်များ

Masalimo 105:43

Vano yahaakhumiha athwiiwa moohakallalla, ootthoolliwiiwa yaakhuma yiipaka moothapella.

Aefeso 1:18

Kinaveka wi miitthwaanyu ehulleye wi moone owala wi mudduwelle yootiyera eyo awiithanelleeyeni nave waata wa madaliso ootitimiheya ayo athwaaye enaawaakhelliiwa,

Yohane 15:16

Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Zefaniya 3:14

Nyu athu a o Ziyoni, ipani moowelliha, nyu Aisraele, khuwani. Hakallallani, thapellani ni murimaanyu muttheene, nyu ookhalla mu Yerusalemu.

Yesaya 66:10

Hakallallani ni Yerusalemu, muthapelle ekaamba ya olliye, nyu attheene ookonda muzindoolla. Nyu attheene muninllella muzindoolla, hakallallani ni olliye moothapella.

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Masalimo 105:6

nyu edduullu dda oorumeyelliiwa Abrahamu, anamwani a ootthoolliwiiwa, Yakobo.

Masalimo 1:3

Muthooyo ari wonanko muteekho, wowaalliwa mukhwipi mwa muhinje, wowimma mu enthawi yaphaama, oyo makatthiiwa ehinanyaalla. Ddaweera ddaye ddittheddene ddinnamweetella phaama.

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”

2 Atesalonika 2:13

Asinnihu ni arokorihu ookondiwa ni Apwiya, hiyaano ninaphwanella omuthokoza Mulluku enthawi ddittheddene ekaamba ya nyuwaano. Vawi Mulluku ahuutthoollani wi mukhalle awaamba ovullusiwa oweella mwamasiva a munepaaye ni mwa echikhulupilwaanyu mu yawoona wi mukhalle athwaaye aweella.

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Aefeso 1:4

Mulluku ahinaphatuse ellapo yavatthi, aari anitthoonlle khalle oweella mu eyaattanwaahu ni Khrisitu wi nikhalle aweella ni oohichimwa vamiitthoni vaye. Ekaamba ya echikondaaye,

Yohane 16:22

Vano nyuwaano munnakhupanya koma kineerowoonanittho nave mirima ddanyu ddineeroddalla ni ohakallalla. Nave khaavo anawaakheni ohakallalla wanyunko.

Yowele 2:23

Nyu athu a o Ziyoni, hakallallani thapellani ni nnddo Apwiya Mullukwaanyu eweerelleewani. Aaweerellani echifundo voomurupihani murimu eeyitta, ntthokollapallaka ni murimu awaallella.

Yesaya 45:25

Mwa mi Apwiya edduullu dda Israele ddineerolungamihiwa ni ohakallallihiwa.”

Yesaya 35:10

Ayo Apwiya yawooponlliiwa eneerohokollowa, eneerophiya o Ziyoni yiipaka moohakallalla. Wenko eneerohakallalla wa enthawi yoohimalla, eneerothapella ni ohakallalla, ethakaraka ni winlla ddineeromalla.

Masalimo 118:15

Iwani machipo oohakallalla m'misasani dda athu oolungama awi, “Nnattanatta na Apwiya ninnagonjiha mwamasiva,

Masalimo 48:11

Athu a o mwaango wa Ziyoni ehakallalle, a o Yuda ehakallalle ni echiweruzwaanyu yoolungama.

Masalimo 14:7

Ovullusiwa wa Israele ophiye ovenyera o Ziyoni. Apwiya yahokollosella murendelle wa athwiiwa, Yakobo aneerohakallalla, Israele aneerothapella.

Deuteronomo 7:6

Nyuwaano tti mutundu woopatuleya wa Apwiya Mullukwaanyu vawi yahuutthoollani wi mukhalle athwiiwa variyari va athu attheene a va ellapo yavatthi.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Mitteko 9:15

Koma Apwiya yaallota wi, “Khawe kaambiiwa koomutthoolla wi akhalle echipangizwaaka, allalleye nnddina naka wa athu ayo ehiri Aisraele ni mamwene ni athu a o Israele.

Deuteronomo 32:9

Koma yoohallaniiwa ya Apwiya tti athwiiwa, edduullu dda Yakobo sika yoohallaniiwa yoopatuleya.”

2 Samuele 20:19

Hiyaano tti athu amurendelle ni oororomelleya mu ellapo ya Israele. Nyuwaano munapaalla woononga etawonaahu eyo tti wonanko nikhollo na ellapo ya Israele. Kaambiiwa tini munapaalleenyu woononga eyo eri yoohallana ya Apwiya?”