Masalimo 106:41 - Mawu a Mulluku

⁴¹ Yahaavelleella wa mitundu ddimodda dda athu, wawi ayo yiitananiiwa tti yaayo yaalamulella.

Masalimo 106:41 ပူးပေါင်းရင်းမြစ်များ

Oweeruza 2:14

Sika Apwiya yahaashella murima Aisraelaayo nave yahaavelleella m'mattani mwa athu awaakha ddeko ayo yawaakhille ddeko ddiwa. Nave Apwiya yaawaakhullella adaniiwa ayo yawaaphenlle wi yaagonjihe. Vano kheyaawonre waagonjiha adaniiwa.

Oweeruza 3:12

Aisraele yaheerattho ddoonanara vamiitthoni va Apwiya. Sika Apwiya yaamuvaha masiva Egiloni, mwene a o Mowabu wi aagonjihe Aisraele kaambiiwa alliwaayo yaheera ddoonanara vamiitthoni va Apwiya.

Oweeruza 3:8

Ekaamba ya yeella Apwiya yahaashella murima Aisraelaayo, emweeriha Kushani Rishataimu, mwene a o Mesopotamiya wi aagonjihe Aisraelaayo. Sika Aisraelaayo yaamurumeyella mwene Kushani Rishataimu wa miyakha mitthanu ni miraru.

Deuteronomo 32:30

Ethiyo muthu mmodda aagonjihalle mwawiidde athu 1,000, athu eelli yaagonjihalle mwawiidde athu 10,000? Ethiyo khehiyo ekaamba yawi Nlluku niwa ohaareya etulli, ekaamba yawi Apwiya ahaatathilla?

Deuteronomo 28:48

Sika vano muneerewaarumeyella adani ayo Apwiya enaarumihiiwa wi ellipane ni nyuwaano. Muneerovolliwa ettalla ni nthona nave muneerokhalla ni osiwa navettho ddeko ddittheddene ddineerewuuramani. Apwiya eneerewuuhoosani mweekuku ophiyera moonongeyille.

Deuteronomo 28:33

Mutundu weelleto eneerowaakhani ddoohata ddanyu ddittheddene nnddo mwahoowilleenyuna ollima nave muneerovirellella opaniwa ni ohoosiwa.

Deuteronomo 28:29

Nave muneerekewaashaasha ettilla nndduwa noopaka wonanko muthu oohoona. Erive ello munaapharekeenyu khamuphurakana ello. Munaakhallelleke ohoosiwa ni wiiyeriwa nave khaavo naari mmodda anuukavihereni.

Deuteronomo 28:25

“Apwiya eneerewaakhullella wi adanaanyu yuugonjiheni. Vowaawukilani munaayeelle ettilla emodda koma voothawani munaapallalleyelle ettilla dditthanu ni piilli. Nave mamwene mattheene a ellapo yavatthi eneerotthukumella vawoonani ddawuumorellaninnddo.

Oweeruza 3:14

Vano Aisraele yaamurumeyella Egiloni, mwene a o Mowabu, miyakha 18.

Oweeruza 15:11

Vano athu 3,000 a o Yuda yaaya onikhunguni na Etamu yamukoha Samisoni wi, “Ethiyo khonadduwella wi, Afilisti sika enanilamulella?” Vano nndda weerilleewe tti tini? Olliye aawaakhulla wi, “Kooweerella nnddo yakeerelliiwa.”

2 Samuele 24:14

Davide aallota wa Gadi wi, “Mi kinimakhupanya wunchichi, ahiyeni Apwiya ekillake weekhiiwa vawi echifundwiiwa tti yuullupalli koma ohiri killakiwe ni athu.”

Ezekiele 16:27

Kahuullaka ni nnatta naka nave kahuuyevihella ellapwaawo. Kahuuhiya m'mattani mwa adanaawo, Afilisti ayo yawulliwa muru ni makhallellwaawo oonanara.