Masalimo 106:1 - Mawu a Mulluku

¹ Aleluya! Athokozeni Apwiya vawi tti aphaama, echikondiiwa yoohisintheya tti ya enthawi yoohimalla.

Masalimo 106:1 ပူးပေါင်းရင်းမြစ်များ

1 Atesalonika 5:18

Muthokozeke mu ddittheddene. Vawi nndda sika Mulluku anapaalleeye wi mweereke nyuwaano muri mu eyaattano mwa Khrisitu Yesu.

Masalimo 105:1

Athokozeni Apwiya, ithanani nnddina niwa, vuwihani mitteko ddiwa variyari va mitundu dda athu.

1 Epilli 16:34

Athokozeni Apwiya vawi tti aphaama, echikondiiwa yoohisintheya tti ya enthawi yoohimalla!

Masalimo 136:1

Athokozeni Apwiya vawi tti aphaama, echikondiiwa yoohisintheya tti ya enthawi yoohimalla.

Yeremiya 33:11

muneerewiiweya mawu oohakallalla ni oothapella, mawu a ootthella ni ootthelliwa. Mu enyumba ya Apwiya muneerewiiweyattho nchipo na athu oovelleella mikutho ddawaathokoza wi, ‘Athokozeni Apwiya Amasiva Mattheene vawi alliwa tti aphaama echikondiiwa tti yoohisintheya.’ “Kineerewaahokollosella ddaphaama ddiwa wonanko vawaamba. Mi Apwiya koollota.”

Masalimo 118:1

Athokozeni Apwiya kaambiiwa tti aphaama, echikondiiwa yoohisintheya tti ya enthawi yoohimalla.

Masalimo 105:45

wi athwiiwa esungeke malangizo, ethwareke malamulwiiwa mattheene. Aleluya!

Masalimo 107:1

Athokozeni Apwiya kaambiiwa tti aphaama, vawi echikondiiwa yoohisintheya tti ya enthawi yoohimalla.

Ezara 3:11

Nave yaaniipa moohimaana, mowaatitimiha ni mowaathokoza Apwiya. “Apwiya tti aphaama, echikondiiwa yoohisintha eri va Israele.” Nave athu attheene yaakhuwa wunchichi yaatitimihiiwa Apwiya ekaamba yawi matthipello a enyumba ya Apwiya yaamakiwattho.

Mateyu 19:17

Vano Yesu ahaakhulla wi, “Onakikohera tini dda ddeko nnddo ddiri ddaphaama? Mullukuve sika ari aphaama. Waapaallaka ovollowa mu okumi woohimalla owiiwellelleke malamulwaaye.”

Masalimo 119:68

Nyuwaano tti ooreera murima, ddaweera ddanyu tti ddaphaama, kihuddiheni malamulwaanyu.

Masalimo 103:17

Koma echikondi yoohisintheya ya Apwiya tti yawaambeella enthawi yoohimalla wa enthawi yoohimalla, wa ayo enawoova, ennaddeerella ddoolungama edduullu ddiwa ddittheddene,

1 Epilli 16:41

Athwaayo yaari vamodda ni Hemani ni Yedutuni ni amodda ayo yatthoolliwe mowaaromolla manddina wi yaathokozeke Apwiya vawi echikondiiwa yoohisintheya tti ya o enthawi yoohimalla.

Masalimo 135:3

Atitimiheni Apwiya vawi tti aphaama, ipani machipo ootitimiha nnddina niwa, vawi tti noohakallalliha wunchichi.